لتا منگیشکر کے انتقال سے فن موسیقی کے ایک عہد کا خاتمہ ہوا ہے، وزیراعلیٰ پنجاب

ویب ڈیسک

06th Feb, 2022. 12:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لتا منگیشکر کے انتقال سے فن موسیقی کے ایک عہد کا خاتمہ ہوا ہے، وزیراعلیٰ پنجاب

وزیر اعلیٰ پنجاب سردار عثمان بزدار نے کہا ہے کہ لتا منگیشکر کے انتقال سے فن موسیقی کے ایک عہد کا خاتمہ ہوا ہے۔

عثمان بزدار نے گلوکارہ لتا منگیشکر کے انتقال پر افسوس کا اظہار کرتے ہوئے کہا کہ انکا گلوکاری میں کوئی ثانی نہیں تھا۔

انہوں نے مزید کہا کہ سر، تان کی ملکہ لتا منگیشکر نے فلم نگری پر طویل عرصہ راج کیا اور انہوں نے کئی دہائیوں تک آواز کا جادو جگایا۔

اس سے قبل وفاقی وزیراطلاعات ونشریات فواد چوہدری نے سوشل میڈیا پر جاری اپنی ٹوئٹ میں کہاکہ لتا جی نے عشروں تک سر کی دنیا پر حکومت کی اور ان کی آواز کا جادو رہتی دنیا تک رہے گا۔

انہوں نے مزید کہاکہ جہاں جہاں اردو بولی اور سمجھی جاتی ہے وہاں لتا منگیشکر کو الوداع کہنے والوں کا ہجوم ہے۔

بھارتی گلوکارہ لتا منگیشکر انتقال کر گئیں

فنِ گلوکاری کے ذریعے بھارتی فلم نگری پر طویل عرصے راج کرنے والی برصغیر کی لیجنڈ ری گلوکارہ لتا منگیشکر 92 سال کی عمر میں انتقال کر گئیں۔

بھارتی ذرائع ابلاغ کے مطابق لتامنگیشکر کورونا کے باعث انتہائی نگہداشت کے وارڈ میں زیر علاج تھیں۔

کچھ دن قبل ان کی حالت میں تھوڑی بہتری آئی تھی، بعد ازاں حالت بگڑنے پر انہیں وینٹی لیٹر پر منتقل کردیا گیا تھا۔

ان کے معالج ڈاکٹر پریت سمدھانی کے مطابق کورونا کے بعد وہ نمونیا میں مبتلا ہوگئیں تھیں، جو ان کے لیےجان لیوا ثابت ہوا۔