پاکستان کرکٹ بورڈ نے پی ایس ایل میں شریک تمام کھلاڑیوں کے ساتھ کی گئی کمنٹمنٹ پوری کر دی ہے ، جس کی وجہ سے کھلاڑیوں کے چہرے خوشی سے کھل اٹھے۔

مقامی میڈیا کے مطابق پاکستان سپر لیگ سیزن 7 میں شام تمام ملکی و غیر ملکی کھلاڑیوں کو ان کے معاوضے کا 70 فی حصے کی ادائیگی کر دی ہے۔

پی سی بی کے ترجمان کا کہنا ہے کہ تمام کھلاڑیوں کے ساتھ کمنٹمنٹ تھی کہ ایونٹ کے دوران معاوضہ ادا کیا جائے گا جو ہم نے پوری کر دی ہے۔

ترجمان نے کہا کہ بقایا 30 فی صد معاوضہ ایونٹ کے اختتام کے بعد 6 ہفتوں کے اندر ادا کر دیا جائے گال

پی سی بی کے ذرائع کے مطابق غیر ملکی کھلاڑیوں کی 70 فی صد معاوضے کی ادائیگی ڈالر میں دی گئی ہے ، جبکہ پاکستان کھلاڑیوں کو ان کی ادائیگی پاکستانی روپے میں ادا کی گئی ہے۔

پی سی بی کے مطابق پی ایس ایل کے معیار کو برقرار رکھنے کے لئے کھلاڑیوں کے ساتھ کئے گئے معاہدے پر مکمل عملدرآمد ہماری اولین ترجیح ہے۔

پی سی بی کے ذرائع کے مطابق دنیا کی مختلف لیگز میں معاوضوں کی ادائیگی میں تاخیر کے حوالے سے بدنام ہیں جس کی وجہ سے وہاں بڑے نام نہیں کھیلتے، اسی لئے ہم نے کھلاڑیوں کو معاوضے کی ادائیگی کا اختیار اپنے ہاتھ میں لیا ہے۔

کھلاڑیوں کی 70 فی صد معاوضے کی ادائیگی پی سی بی نے اپنے اکاؤنٹ سے کی ہے جو ایونٹ کے اختتام پر فرنچائزز سے وصول کر لی جاتی ہے۔