بھارتی تجربہ کار آل راؤنڈر رویندرا جڈیجا سری لنکا کے خلاف آئندہ ہوم سیریز میں واپسی کرنے کے لیے تیار ہیں۔

قابل ذکر بات یہ ہے کہ بھارت  سری لنکا کی تین ٹی ٹوئنٹی بین الاقوامی میچوں میں میزبانی کرے گا جو دو ٹیسٹ میچوں کی سیریز سے پہلے ہوں گے۔

رپورٹس کے مطابق جڈیجا نےکوویڈ 19  ٹیسٹ بھی کروائے ہیں اور منفی نتیجے کے ساتھ واپس آنے کے بعد انہیں ٹی ٹوئنٹی  اسکواڈ میں شامل کیا جا سکتا ہے۔

رپورٹ کے مطابق جسپریت بمراہ کی بھی واپسی متوقع ہے، جدیجا اور بمراہ دونوں مختلف وجوہات کی بناء پر ویسٹ انڈیز کے خلاف جاری وائٹ بال سیریز کو مس کر رہے ہیں، سیریز کے لیے اسکواڈ کا نام دیتے وقت بورڈ آف کنٹرول فار کرکٹ ان انڈیا (BCCI) نے کہا تھا کہ ساتھی تیز گیند باز محمد شامی کے ساتھ بمراہ کو آرام دیا گیا ہے۔

جہاں تک جڈیجا کا تعلق ہے بی سی سی آئی نے کہا کہ آل راؤنڈرگھٹنے کی انجری کے بعد صحت یابی کے آخری مرحلے سے گزر رہے ہیں ۔

رپورٹ میں یہ بھی کہا گیا کہ ویرات کوہلی 24 فروری سے شروع ہونے والے سری لنکا  کے خلاف ٹی ٹوئنٹی سیریز سے محروم ہو سکتے ہیں،تاہم انہیں بعد کی ٹیسٹ سیریز کے لیے شامل کیا جائے گا۔

واضح رہے کہ گھٹنے کی انجری کے باعث جڈیجا  گزشتہ سال نومبر کے آخر میں نیوزی لینڈ کے خلاف پہلے ٹیسٹ کے بعد سے ایکشن سے باہر ہیں تاہم اب ان کا لنکا لائنز کے خلاف دو میچوں کی ٹیسٹ سیریز میں شرکت تقریباً یقینی ہے۔