وزیر اعلیٰ پنجاب عثمان بزدار نے کہا ہے کہ اوورسیز پاکستانیز ہمارا قیمتی سرمایہ ہیں۔

وزیر اعلیٰ عثمان بزدار سے وائس چیئرمین اوورسیز پاکستانیز کمیشن پنجاب ڈاکٹر شاہد محمود کی ملاقا ہوئی ہے۔

ملاقات میں وزیراعظم عمران خان کے مشیر خاص اوورسیز پاکستانیز کمیشن اینڈ ہیومن ریسورسز بھی شامل تھے۔

وائس چیئرمین اوورسیز پاکستانیز کمیشن پنجاب ڈاکٹر شاہد نے وزیر اعلیٰ عثمان بزدار کو اوورسیز کے مسائل اور اپنے دوری اسپین سے آگاہ کیا۔

ملاقات میں وزیر اعلیٰ عثمان بزدار نے وائس چیئرمین ڈاکٹر شاہد محمود کو اوورسیز کے مسائل جلد حل کرنے کی ہدایت دی۔

واضح رہے کہ اس سے قبل وزیراعلیٰ پنجاب سردار عثمان بزدار سے وفاقی وزیر داخلہ شیخ رشید احمد کی ملاقات ہوئی جس میں  باہمی دلچسپی کے امور، سیاسی صورتحال اور راولپنڈی میں جاری ترقیاتی منصوبوں پر تبادلہ خیال کیا گیا۔

اسکے علاوہ دونوں رہنماؤں کی اپوزیشن کی انتشار کی سیاست کی مذمت کی اور  اپوزیشن کے منفی ہتھکنڈوں کا ڈٹ کر مقابلہ کرنے کے عزم کا اظہار کیا بھی کیا۔

وفاقی وزیر داخلہ شیخ رشید احمد نے کہا کہ یہ لوگ عدم اعتماد کی باتیں صرف اپنا دل بہلانے کیلئے کر رہے ہیں، اپوزیشن کے عاقبت نااندیش عناصر نے عدم اعتماد کو کھیل سمجھ رکھا ہے۔

شیخ رشید احمد نے کہا کہ نازک حالات میں منفی سیاست کرنے والوں کوہوش کے ناخن لینے چاہئیں۔

وزیر داخلہ  نے کہا کہ وزیراعظم عمران خان کی قیادت میں حکومت مضبوط ہے اور مدت پوری کرے گی۔

 دوسری جانب وزیراعلیٰ پنجاب سردار نے کہا کہ  سیاست میں منفی رویے ملک کیلئے نقصان دہ ہیں، اپوزیشن صرف اقتدار کی خاطر سیاسی عدم استحکام پیدا کرنے کی کوشش کر رہی ہے۔

 عثمان بزدار نے کہا کہ عدم اعتماد کی باتوں میں شکست خوردہ اپوزیشن کی طرح کوئی جان نہیں، جنہیں شوق ہے وہ عدم اعتماد لے آئیں، گھبرانے والے نہیں۔

انہوں نے مزید کہا کہ اپوزیشن کو علم ہے کہ حکومت کو نمبر گیم میں سبقت ہے۔