مریم اورنگزیب کا کہنا ہےکہ عمران خان پیکا آرڈیننس سے 22 کروڑعوام کو اندھا، گونگا بنانا چاہتے ہیں۔

پاکستان مسلم لیگ ن کی ترجمان مریم اورنگزیب نے میڈیا سے گفتگو کرتے ہوئے کہاکہ حکومتی ارکان حلقوں میں عوام کےسامنےنہیں جاسکتے۔

انہوں نے کہاکہ دھمکیوں سےکام نہیں چلےگا،عمران خان گھر جائیں ، کالے قوانین کوعدالتوں میں چیلنج کرتےرہیں گے۔

یہ بھی پڑھیں: سی این جی اسٹیشنز پھر بند کرنے کا اعلان

مسلم لیگی ترجمان نے کہاکہ حکومت کوآئینہ دکھانےوالوں پرتشددکیاجاتاہے، کالے قانون سےایف آئی اےکوسیاسی مخالفین کیلئےاستعمال کیاجائےگا،یہ حکومت نہیں آرڈیننس کی فیکٹری بن گئی ہے۔

مریم اورنگزیب نے کہاکہ حکومت نے پارلیمنٹ کوتالالگانےکی کوشش کی، ہم برطانوی عدالت میں بھی سرخروہوئے۔

انہوں نے کہاکہ پیکاآرڈیننس کےخلاف عدالت میں درخواست دائرکردی، پیکا آرڈیننس میں جرم کی تعریف بیان نہیں کی گئی،تنقید کرنے پر 5 سال جیل میں گزارنے پڑیں گے۔

یہ بھی پڑھیں: روس کا یوکرائن میں فوجی آپریشن کا اعلان، اپنا دفاع کرینگے، یوکرائنی صدر

مسلم لیگ ن نے پیکا ترمیمی آرڈیننس عدالت میں چیلنج کر دیا

ترجمان مسلم لیگ ن مریم اورنگزیب نے پیکا ترمیمی آرڈیننس کے خلاف اسلام آباد ہائی کورٹ میں درخواست دائر کردی۔

 ن لیگ کی جانب سے عدالت میں دائردرخواست میں صدر مملکت، سیکریٹری قانون اور ایف آئی اے کو فریق بنایا گیا ہے۔

دائر درخواست میں عدالت سے پیکا ترمیمی آرڈیننس کالعدم قرار دینے کی استدعا کی گئی ہے۔

مسلم لیگ ن کی جانب سے درخواست میں مؤقف پیش کیا گیا کہ پیکا قانون میں آرڈیننس کے ذریعے تبدیلی آئین سے متصادم ہے، کالعدم قرار دیا جائے اور عملدرآمد روکا جائے۔

یہ بھی پڑھیں: پاکستان کو روس سےمتعلق اپنے موقف سے آگاہ کردیا، امریکا