اسلام آباد ہائی کورٹ نے صحافی محسن بیگ کی اہلیہ کی درخواست پر تحریری حکم نامہ جاری کردیا۔ 

تفصیلات کے مطابق محسن بیگ کی اہلیہ کی درخواست پر چیف جسٹس اطہر من اللہ نے تحریری حکم نامہ جاری کرتے ہوئے آئی جی اسلام آباد سے انکوائری رپورٹ طلب کرلی۔

اسلام آباد ہائی کورٹ نے ڈسٹرکٹ مجسٹریٹ کو مارگلہ پولیس اسٹیشن کی انسپکشن کا حکم دیا کہ ڈسٹرکٹ مجسٹریٹ تشدد سے متعلق الزامات کی انکوائری کریں۔

عدالت نے تحریری حکم نامے میں کہا کہ ڈسٹرکٹ مجسٹریٹ بھی تشدد کی انکوائری رپورٹ جمع کروائیں۔ دوران حراست پولیس اسٹیشن میں تشدد ناقابل برداشت ہے۔تشدد پر ذمہ دار افسران کے خلاف نتائج ہو سکتے ہیں۔

اسلام آباد ہائی کورٹ نے ایف آئی آر معطل کرنے کی درخواست پر ایڈووکیٹ جنرل اسلام آباد کو نوٹس جاری کرتے ہوئے حکم نامے میں کہا کہ دوران حراست تشدد اور وکیل کو ملزم تک رسائی نہ دینا سنجیدہ معاملہ ہے۔

واضح رہے کہ آج اسلام آباد ہائی کورٹ میں صحافی محسن بیگ کی اہلیہ کی درخواست پر صحافی محسن بیگ کی گرفتاری کیخلاف کیس کی سماعت ہوئی۔

سماعت کے دوران محسن بیگ کے وکیل لطیف کھوسہ نے دلائل میں کہا کہ رات کو معلوم ہوا کہ حکومت جج کیخلاف کارروائی کا ارادہ بھی رکھتی ہے۔ ایک متفرق درخواست بھی دائر کی ہے۔ محسن بیگ کو تھانے میں زخمی کیا گیا۔

اسلام آباد ہائی کورٹ میں سماعت کی خبر پڑھیے

محسن بیگ تین روزہ جسمانی ریمارنڈ پر پولیس کے حوالے، یہ خبر بھی پڑھیے