آسٹریلیا کے خلاف کوچنگ کے فرائض ثقلین مشتاق انجام دیں گے

ویب ڈیسک

08th Feb, 2022. 12:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا کے خلاف کوچنگ کے فرائض ثقلین مشتاق انجام دیں گے

پاکستانی میڈیا کی خبر کے مطابق آسٹریلیا کے خلاف ہوم سیریز میں ثقلین مشتاق کوچنگ کے فرائض انجام دیں گے۔

پاکستانی میڈیا کے مطابق ثقلین مشتاق کے حوالے سے میڈیا میں خبریں گردشت کر رہی تھیں کہ انہوں نے گرین شرٹس کی کوچنگ سے معذرت کر لی ہے۔

لیکن اب پاکستان کرکٹ بورڈ نے سابق آف اسپنر ثقلین مشتاق کو آسٹریلیا کے خلاف ہوم سیریز تک مزید ایک اور موقع دینے کا فیصلہ کیا ہے۔

پاکستان کرکٹ بورڈ کے مستند ذرائع کے مطابق کئی ہفتے پہلے پاکستان کرکٹ ٹیم کے ہیڈ کوچ کی پوسٹ کے لئے اشتہار دے دیا گیا تھا ، مگر پاکستان کرکٹ کے کرتا دھرتا کی پی ایس ایل میں مصروف ہونے کی وجہ سے پیش رفت نہ ہو سکی۔

ذرائع کے مطابق ابھی تک ہیڈ کوچ کا نام شارٹ لسٹ نہیں کیا گیا ہے اور نہ ہی انٹرویو ہوا ہے۔

واضح رہے کہ ثقلین مشتاق کے حوالے سے یہ خبر گردش کر رہی ہیں کہ وہ واپس انگلینڈ جانا چاہتے ہیں اور پاکستان کرکٹ ٹیم کی مزید کوچنگ میں دلچسپی نہیں رکھتے۔

پی سی بی ذرائع کے مطابق ثقلین مشتاق کو آسٹریلیا کے خلاف ہوم سیریز میں ایک اور موقع دیا جائے گا ، جبکہ ٹیم انتظامیہ کے دیگر ارکان میں کوئی تبدیلی نہیں کی گئی ہے۔