کورونا کی پانچویں لہرکے دوران کراچی میں مثبت کیسز میں کمی کا سلسلہ جاری ہے۔

محکمہ صحت سندھ کی جانب سے جاری کردہ اعداوشمار کے مطابق کراچی میں کورونا کیسز کی شرح صرف 5.07  فیصد رپورٹ ہوئی۔

گزشتہ چوبیس گھنٹوں کے دوران سندھ بھر میں 527 کورونا کیسز رپورٹ ہوئے،جن میں سے208  کیسز کا تعلق کراچی سے ہے ۔

گزشتہ 24 گھنٹوں کے دوران 1 مریض انتقال کر گیا ،سندھ بھر میں 706 اومیکرون کیسز کی تصدیق کی جاچکی ہے۔

محکمہ صحت کے ذرائع نے بتایا کہ 230 مریض مختلف اسپتالوں میں زیر علاج ہیں ،213 کورونا مریضوں کی حالت تشویشناک جبکہ 16 وینٹیلیٹرز پر زیر علاج ہیں ۔

پاکستان میں کورونا کے باعث مزید31 اموات

 ملک میں کورونا سے اموات کا سلسلہ جاری ہے، پاکستان میں عالمی وبا کورونا وائرس سے مزید 31 افراد جاں بحق ہوگئے۔

نیشنل کمانڈ اینڈ آپریشن سینٹر (این سی او سی) کی جانب سے جاری کردہ تازہ اعدادو شمار کے مطابق گزشتہ 24 گھنٹوں کے دوران ملک بھر میں مزید ایک ہزار 360کورونا کیسز رپورٹ ہوئے۔

ملک میں کورونا کیسز کی مجموعی تعداد 15 لاکھ ایک ہزار 680 ہو گئی جبکہ اموات کی مجموعی تعداد 30 ہزار40 ہو گئی ہے۔

Statistics 21 Feb 22:

Advertisement

Total Tests in Last 24 Hours: 41,597
Positive Cases: 1360
Positivity %: 3.26%
Deaths :31
Patients on Critical Care: 1302

— NCOC (@OfficialNcoc) February 21, 2022

Advertisement

این سی او سی کے مطابق  گزشتہ چوبیس گھنٹوں میں ملک بھر میں41 ہزار 597 کورونا ٹیسٹ کیے گئے اور مثبت کیسز کی شرح 3.26 فیصد پر پہنچ گئی۔

سندھ میں کورونا کے کیسز کی تعداد 5 لاکھ 64 ہزار522، خیبر پختونخوا میں 2 لاکھ 14ہزار955، پنجاب میں 4 لاکھ 99 ہزار 63، اسلام آباد میں ایک لاکھ 33 ہزار839، بلوچستان میں 35 ہزار 274، آزاد کشمیر میں 42 ہزار 669اور گلگت بلتستان میں 11 ہزار 358 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 13 ہزار 454 افراد جان کی بازی ہار چکے ہیں جبکہ سندھ میں8 ہزار30، خیبر پختونخوا 6 ہزار 207، اسلام آباد ایک ہزار4، گلگت بلتستان 189، بلوچستان میں 373 اور آزاد کشمیر میں 783 افراد جان کی بازی ہار چکے ہیں۔