اصل سے سخت اور مضبوط دانتوں کا مصنوعی اینامل تیار

ویب ڈیسک

09th Feb, 2022. 03:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اصل سے سخت اور مضبوط دانتوں کا مصنوعی اینامل تیار

ہمارے دانتوں کا سفید بیرونی حصہ قدرتی معدن پر مشتمل ہوتا ہے اور اسے بدن کی سب سے سخت شے قرار دیا جاتا ہے۔ لیکن کئی وجوہ سے یہ خراب اور شکستہ ہوجاتا ہے۔ اب ماہرین نے مصنوعی اینامل بنایا ہے جو اصل سے بھی مضبوط اور سخت ہے۔

انسانی دانت کا انتہائی بیرونی حصہ یا اینامل صرف چند ملی میٹر ہی موٹا ہوتا ہے لیکن جانداروں میں سب سے مضبوط شے بھی ہے۔ یہ اپنی دیرپا سختی اور مضبوطی میں لاجواب ہوتا ہے۔ اس کی ساخت بہت پیچیدہ ہوتی ہے کیونکہ یہ ہائیڈروکسی ایپاٹائٹ نینووائر کے ساتھ میگنیشئیم اور کیلشیئم فاسفیٹ پر مشتمل ہوتا ہے۔ یہی وجہ ہے کہ ایک عرصے سے مصنوعی اینامل بنانے میں کئی مشکلات درپیش تھیں۔

بیجنگ میں واقع بائی ہینگ یونیورسٹی کے سائنسداں ہیوائی ژیاؤ اور ان کے ساتھیوں نے کثیر سطحی ساخت بناتے ہوئے عین انسانی اینامل کی انجینیئرنگ کی ہے۔ اس اہم ایجاد کو آرٹیفیشل ٹوتھ اینامل (اے ٹی ای) کانام دیا گیا ہے۔ یہ بھی ہائیڈروکسی ایپاٹائٹ نینووائر سے بنایا گیا ہے۔ اس کی تیاری پولی وینائل الکحل کی موجودگی میں فریز یعنی مجمند کیا گیا ہے۔ اس طرح ایٹمی اور خردبینی سطح پر یہ حقیقی اینامل جیسا ہے جبکہ اس کی مضبوطی اور سختی اس سے بھی زیادہ ہے۔

اگلے مرحلے میں اسے کئی طرح کے ٹیسٹوں سے گزارا گیا ہے اور اس کی شاندار افادیت سامنے آئی ہے۔