احسن اقبال کا کہنا ہےکہ عمران صاحب قوم کولنگرخانوں کی نہیں کارخانوں کی ضرورت ہے۔

مسلم لیگ ن کے مرکزی رہنما احسن اقبال نے میڈیا سے گفتگو کرتے ہوئے کہاکہ فارن فنڈنگ میں اربوں روپےکاگھپلہ کیاگیا،ثاقب نثاربتائیں انہوں نےصادق وامین کیسےقراردیا۔

ان کا کہنا تھا کہ عمران نیازی نے بیرونی اشاروں پرملک کوتباہ کردیا، عمران خان کی آمدن سوا لاکھ سےایک کروڑکیسےہوگئی؟ عمران خان غیرملکی تحفوں کی تفصیلات کیوں نہیں بتارہے؟ عمران خان بتائیں فارن فنڈنگ کاپیسہ کس کی جیب میں گیا؟

احسن اقبال نے کہاکہ عمران خان نےاسٹیٹ بینک آئی ایم ایف کوتحفےمیں دیدیا ہے، معاشی خود مختاری آئی ایم ایف کی جھولی میں پھینک دی، اب توہم قازقستان کےبھی مقروض ہونے والے ہیں۔

یہ بھی پڑھیں: حکومت کی نا اہلی کی وجہ سے مہنگائی عروج پر ہے، شاہد خاقان

 مسلم لیگی رہنما نے کہاکہ نیب ساراکام عمران خان کےاشاروں پرکررہاہے، ہم نےعوام کوبیکاری نہیں روزگاروالابناناہے، عمران خان نے22 کروڑعوام کی زندگی اجیرن کردی،عمران صاحب قوم کولنگرخانوں کی نہیں کارخانوں کی ضرورت ہے۔

رہنمان لیگ احسن اقبال کا کہنا تھا کہ بجلی کی قیمتوں میں 3 روپےسےزائداضافہ ہورہاہے،عمران خان کوصرف جھوٹےمقدمات بنانےکامعلوم ہے، کسان کھادکےحصول کےلیےدربدرکی ٹھوکریں کھارہےہیں، کارڈاسکیم کاڈھونگ رچاکرادویات کمپنیوں کوفائدہ پہنچایاگیا۔

انہوں نے کہاکہ عمران خان کومعلوم نہیں معیشت کس طرح چلانی ہے، ہمارےخاندان نےکردارکشی کاسامناکیا، حکومت کےجھوٹےمقدمات کاسامناکررہےہیں۔