فرخ حبیب نے کہا ہے کہ عمران خان نہ کبھی جھکے گا اور نہ پاکستانیوں کو جھکنے دیگا۔

وزیر مملکت اطلاعات و نشریات فرخ حبیب نے سماجی رابطے کی ویب سائٹ ٹویٹر پر اپنے ایک پیغام میں کہا کہ وزیراعظم عمران خان کا دورہ روس اس بات کاثبوت ہے کہ پاکستان علاقائی امن وسلامتی اوراقتصادی ترقی کیلئے تنازعات کے بجائے پائیدار امن کے لیے کوشاں ہے۔

وزیراعظم عمران خان کا دورہ روس اس بات کاثبوت ہے کہ پاکستان علاقائی امن وسلامتی اوراقتصادی ترقی کیلئے تنازعات کے بجائے پائیدار امن کے لیے کوشاں ہے۔
اپنے قومی مفادات کو مقدم رکھتے ہوئےسفارتی سطح پر ہمیں اپنی پوزیشن مستحکم کرنے میں مددبھی ملی ہے۔

Advertisement

— Farrukh Habib (@FarrukhHabibISF) February 24, 2022

انہوں نے کہا کہ اپنے قومی مفادات کو مقدم رکھتے ہوئے سفارتی سطح پر ہمیں اپنی پوزیشن مستحکم کرنے میں مددبھی ملی ہے۔

وزیر مملکت اطلاعات و نشریات کا کہنا تھا کہ وزیراعظم عمران خان کے دورے کی ٹائمنگ پر سوالات اٹھانے والوں کو جان لینا چاہیے کہ وزیراعظم بڑے میچ کے بڑے کھلاڑی ہیں۔

فرخ حبیب کا یہ بھی کہنا تھا کہ وزیراعظم عمران خان نے ایک دفعہ پھر ماسکو میں اپنے اصولی موقف کو دنیا کے سامنے پیش کردیا کہ طاقت کا استعمال کسی بھی تنازعہ کا حل نہیں، روس اور یوکرین کو مذاکرات سے مسئلہ حل کرنا چاہیے۔

وزیر مملکت اطلاعات و نشریات فرخ حبیب کا مزید کہنا تھا کہ مسئلہ کشمیر سے لیکر افغانستان اور توانائی کے شعبہ میں تعاون،دوطرفہ تعلقات ،اسلاموفوبیا پر بات ہوئی، عمران خان نہ کبھی جھکے گا اور نہ پاکستانیوں کو جھکنے دیگا۔انشاء اللہ

وزیراعظم عمران خان کے دورے کی ٹائمنگ پر سوالات اٹھانے والوں کو جان لینا چاہیے کہ وزیراعظم بڑے میچ کے بڑے کھلاڑی ہیں۔مسئلہ کشمیر سے لیکر افغانستان اور توانائی کے شعبہ میں تعاون،دوطرفہ تعلقات ،اسلاموفوبیا پر بات ہوئی
عمران خان نہ کبھی جھکے گا،نہ پاکستانیوں کو جھکنے دیگا انشاء اللہ

— Farrukh Habib (@FarrukhHabibISF) February 24, 2022