سندھ ہائی کورٹ نے سندھ میں گیس کی لوڈشیڈنگ کو آئین کی خلاف ورزی قرار دے دیا

ویب ڈیسک

15th Feb, 2022. 10:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ہائی کورٹ نے سندھ میں گیس کی لوڈشیڈنگ کو آئین کی خلاف ورزی قرار دے دیا

سندھ ہائی کورٹ نے سندھ میں گیس کی لوڈشیڈنگ کو آئین کی خلاف ورزی قرار دے دیا، سندھ کے حصے کی گیس دوسرے صوبوں کو منتقل کرنے پر سیکریٹری پیٹرولیم سے وضاحت طلب کرلیا گیا، سیکریٹری خزانہ اور پٹرولیم کو توہین عدالت کے نوٹس جاری کردیئے گئے۔

سندھ بھر میں گیس کی لوڈ شیڈنگ سندھ ہائی کورٹ میں سماعت کا تحریری حکم نامہ جاری کردیا گیا، عدالتی احکامات پر عمل درآمد نہ کرنے پر وفاقی سیکریٹری خزانہ اور پیٹرولیم کو توہین عدالت کا شوکاز نوٹس جاری کردیا گیا۔

دونوں وفاقی سیکریٹریز علی رضا بھٹہ اور حامد یعقوب کو ذاتی حیثیت میں طلب کرتے ہوئے آئندہ پیشی پر وضاحت دینے کا حکم دے دیا گیا۔

عدالت نے سندھ میں گیس لوڈ شیڈنگ پر بھی تشویش کا اظہار کرتےہوئے استفسار کیا کہ سندھ سب سے زیادہ گیس کی پیداوار دے رہا ہے گیس کی لوڈ شیڈنگ کیوں ہورہی ہے ؟ گیس پیدا کرنے والے صوبے میں گیس کی لوڈ شیڈنگ آئین آرٹیکل 158 کی خلاف ورزی ہے۔

ایم ڈی ایس ایس جی سی نے عدالت کو مزید بتایا کہ وفاقی وزارت پیٹرولیم کی ہدایت پر سندھ سے گیس کی فراہمی دوسروں صوبوں کو کی جارہی ہے جس پر عدالت نے سیکریٹری پیٹرولیم سے آئین کی خلاف ورزی پر وضاحت طلب کرلی۔