کووڈ 19 کی وبا 52 لاکھ بچوں کو والدین اور سرپرستوں سے محروم کرگئی

ویب ڈیسک

26th Feb, 2022. 03:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کووڈ 19 کی وبا 52 لاکھ بچوں کو والدین اور سرپرستوں سے محروم کرگئی

کورونا کی عالمی وبا نے پوری دنیا کو شدید متاثر کیا ہے۔ محتاط اندازے کے مطابق اس تین سالہ وبا نے کم ازکم باون لاکھ بچوں کو یتیم بنایا ہے۔

اس ضمن میں عالمی سائنسدانوں کی ایک ٹیم نے بھارت، برطانیہ اور پیرو جیسے ممالک سے حاصل شدہ ڈیٹا کا ایک محتاط جائزہ لیا تھا۔ اس طرح براہِ راست 33 لاکھ بچے والد یا والدہ سے محروم ہوئے اور اگر ان میں پالنے اور نگرانی کرنے والے نانا اور نانی یا دادا دادی کو شامل کیا جائے تو ان کی شفقت سےمحروم ہونے والے بچوں کی تعداد 52 لاکھ سے زائد ہوجائے گی۔

لیکن امریکی سی ڈی سی اور عالمی ادارہ صحت نے بار بار کہا ہے کہ دنیا بھر میں کووڈ 19 سے ہلاکتوں کی تعداد درست رپورٹ نہیں ہوئی اور ان میں کم سے کم 8 سے 10 گنا اضافہ ہوسکتا ہے۔ لیکن یہ تعداد سب سے زیادہ افریقہ میں ہوسکتی ہے جہاں باقاعدہ اموات کی رپورٹنگ اور ڈیٹا بیس کا شدید فقدان ہے۔

لیکن ان سرپرستوں میں سے چار میں سے تین والد تھے اور اوسطاً 10 سے 17 برس کے بچے اپنے باپ کی شفقت سے محروم ہوگئے ہیں۔ رپورٹ میں یہ بھی کہا گیا ہے کہ دنیا بھر کی حکومتیں ان بچوں کی کفالت اور دیکھ بھال میں اپنا کردار ضرور ادا کریں۔