پاک سر زمین پارٹی اور پاکستان پیپلزپارٹی کے درمیان ڈیڈلاک تاحال برقرار ہے۔

تفصیلات کے مطابق پاک سر زمین پارٹی اور پیپلز پارٹی کی سندھ حکومت کے درمیان مذاکرات کا چوتھا دور بھی ناکام ہوگیا ہے۔

پی ایس پی کی جانب سے نئے بلدیاتی قانون کے خلاف فوارہ چوک پر دھرنہ چھوتے روز بھی جاری ہے جبکہ مصطفیٰ کمال اور انیس قائم خانی سمیت دیگر رہنما  بھی دھرنے میں موجود ہیں۔

واضح رہے کہ مطالبات کی منظوری تک دھرنہ جاری رکھنے کا اعلان یا گیا ہے البتہ مصطفی کمال نے اہلیان کراچی کو دھرنے میں بھرپور شرکت کی دعوت بھی دی ہے۔

یاد رہے کہ کچھ روز قبل  پاک سرزمین پارٹی کے چیئرمین سید مصطفیٰ کمال نے میڈیا کے نمائندوں سے خطاب کرتے ہوئے کہا تھا کہ صوبائی فنانس کمیشن کیلئے تحریری معاہدہ کر کے نہیں اٹھیں گے۔

انہوں نے کہا تھا کہ صوبائی فنانس کمیشن کیلئے اسمبلی سے بل پاس کروانا ہوگا، اسمبلی سے بل پاس ہونے کے بعد دھرنا ختم کریں گے۔

مصطفیٰ کمال نے کہا تھا کہ ملک کے مسائل کی طرف توجہ کیوں نہیں دی جارہی، وفاق صوبوں کو پیسہ دیتا ہے، پیسے صوبے میں نچلی سطح پر تقسیم نہیں ہوتے، پیسے نہیں دے رہے تو اداروں کو بلدیات کے ماتحت کرنے کا کیا فائدہ۔

پی ایس پی کے چیئرمین کا کہنا تھا کہ اہلخانہ کے ہمراہ دھرنے میں موجود ہیں، جس وقت سے دھرنے کا اعلان کیا گھروں میں نہیں گئے۔