.یوکرین کے بحران کے تناظر میں جرمن چانسلر جلد ہی روس کا دورہ کریں گے 

برلن: جرمن چانسلر اولاف شولز نے بدھ کو کہا ہے کہ وہ روس اور مغرب کے درمیان بڑھتی ہوئی کشیدگی کے ساتھ یوکرین روس سرحد پر جاری سرحدی بحران پر بات کرنے کے لیے ماسکو جائیں گے۔ 

جرمن چانسلر اولاف شولز کا ایک انٹرویو کے دورانکہنا تھا کہ  میں جلد ہی امریکہ جاؤں گا اور میں جلد ہی اس بحران پر بات چیت کے لیے ماسکو بھی جاؤں گا۔ 

ریاست ہائے متحدہ کا دورہ 7 فروری کو پہلے سے ہی طے کیا گیا تھا، لیکن چانسلر نے روس کے دورے کے لیے کوئی تاریخ نہیں بتائی، صرف یہ کہا کہ ملاقات طے ہے اور جلد ہو جائے گی۔ 

واضح رہے، مغرب نے روس پر مشرقی یوکرین کی سرحد پر ایک لاکھ فوجیوں کو جمع کرنے کا الزام لگایا ہے۔ تاہم روس نے اس الزام کی تردید کرتے ہوئے کہا کہ وہ حملہ کرنے کا ارادہ رکھتا ہے لیکن اس نے مغرب سے وسیع پیمانے پر حفاظتی ضمانتوں کا مطالبہ کیا ہے اور ساتھ ہی اس یقین دہانی کا مطالبہ کیا ہے کہ یوکرین کو کبھی بھی نیٹو میں شامل ہونے کی اجازت نہیں دی جائے گی۔ 

ان کا مزید کہنا تھا کہ  صورتحال بہت سنگین ہے، اور آپ اس حقیقت کو نظر انداز نہیں کر سکتے کہ یوکرین کی سرحد پر بہت سے فوجی اور دستے تعینات کیے گئے ہیں۔

چانسلر نے یوکرین کو ہتھیار بھیجنے سے جرمنی کے انکار پر بڑھتی ہوئی تنقید کے خلاف اپنا دفاع کیا اور اس بات کا اعادہ کیا کہ روس حملے کی صورت میں بڑی قیمت چکانے کے لیے تیار رہے ۔