دنیا بھر کی موبائل بنانے والی کمپنیاں ہر گزرتے دن کے ساتھ نئی جدت لے کر آرہی ہیں اور ہر نیا فون نئے اور منفرد فیچرکے ساتھ صارفین کے لئے پیش کیا جاتا ہے تاکہ انہیں پہلے سے زیادہ بہتر انداز میں سروس فراہم کی جاسکے۔

اسی روایت کو برقرار رکھتے ہوئے انفینکس نے اپنا پہلا5  جی فون پاکستان میں فروخت کے لئے پیش کردیا ہے۔

واضح رہے کہ انفیکس زیرو اس کمپنی کا پہلا 5 جی فون بھی ہے جسے ابھی تک کے سفر میں ایک بڑی پیشرفت کہا جائے تو بے جانہ ہوگا۔

جہاں تک بات ہے اس شاندار فون میں پراسیسر کی تو وہ میڈیا ٹیک کا ڈیمینسٹی 900 پراسیسرہے جبکہ ڈیزائن میں دیکھا جائے تو یہ 2021 کے اوپوفائنڈ ایکس 3 پرو سے مشابہت رکھتا  ہے۔

انفینکس نے فون کے ڈیزائن کو یونی کرو کا نام دیا ہے اور اس کے بیک کیمرا سیٹ اپ کسی قدر فائنڈ ایکس پرو سے ملتا جلتا ہے۔

انفینکس زیرومیں حیرت انگیز طور پر 6.78 انچ کا بڑا ایل سی ڈی ڈسپلے فل ایچ ڈی پلس ریزولوشن اور120 ہرٹزریفریش ریٹ سپورٹ کے ساتھ دیا گیا ہے۔

ڈسپلے میں 16 میگا پکسل کیمرا پنچ ہول ڈیزائن میں چھپا ہوا ہے۔

اس فون میں اگراسٹوریج کی بات کی جائے تو 8 جی بی  ریم اور128 جی بی اسٹوریج دی گئی ہے تاہم اس میں مائیکرو ایس ڈی کارڈ کے ذریعے اسٹویج کو مزید بڑھایا جاسکتا ہے۔

انفینکس زیرو5 جی میں دیرپا 5000 ایم اے ایچ بیٹری 33 واٹ فاسٹ چارجنگ سپورٹ کے ساتھ موجود ہے جبکہ اس میں ایک نیا منفرد فیچر ہیٹ پائیٹ ہے جوفون کے  ٹمپریچر کو کنٹرول میں رکھتا ہے۔

اس فون میں اینڈرائیڈ 11 آپریٹنگ سسٹم کا امتزاج کمپنی نے اپنے ایکس او ایس 10 سے کیا ہے۔

اس بہترین فون کے بیک پر 3 کیمروں کا سیٹ اپ دیاگیا ہے جس کا مین کیمرا 48 میگا پکسل کا ہے جبکہ اس کے ساتھ ہی 13 میگا پکسل ٹیلی فوٹو(2 ایکس زوم سپورٹ) اور 2 میگا ڈیپتھ سنسر کیمرے بھی دیے گئے ہیں۔

انفینکس کا یہ شاندار فون پاکستان میں 49 ہزار999 روپے میں فرخت کے لئے پیش کیا گیا ہے۔