کراچی میں نامعلوم افراد کی فائرنگ سے صحافی اطہرمتین جاں بحق ہوگئے۔

کراچی کے علاقے نارتھ ناظم آباد میں نامعلوم ملزمان کی جانب سے گاڑی پر فائرنگ کی گئی ، جس کے نتیجے میں صحافی اطہر متین جاں بحق ہوگئے۔

جاں بحق ہونے والے صحافی نجی نیوز چینل سے وابستہ تھے، مقتول اپنے بچوں کو اسکول چھوڑ کر گھرواپس لوٹ رہے تھے۔

ذرائع کے مطابق ان کی میت عباسی شہیداسپتال منتقل کردی گئی ہے۔

ایس پی گلبرگ طاہرنورانی نے بتایاکہ  اطہرمتین بچوں کواسکول چھوڑنےکےبعدواپس جارہےتھےکہ موٹرسائیکل سوارنےاطہرمتین کوروکنےکی کوشش کی۔

 یہ بھی پڑھیں: صحافی اطہر متین جاں بحق، شیخ رشید نے نوٹس لے لیا

ایس پی گلبرگ نے کہاکہ فائرنگ کےبعد موٹرسائیکل سوارفرارہوگیا، سی سی ٹی وی فوٹیج کی مدد سےمزید تفتیش کریں گے۔

ایس پی گلبرگ نے بتایاکہ گولی اطہرمتین کےسینےمیں لگی۔

سیاسی رہنما امین الحق کا کہنا ہےکہ ایم کیوایم، صحافی اطہرمتین کےقتل کی مذمت کرتی ہے۔

 یہ بھی پڑھیں؛ وزیراعظم نے صحافی کے قتل کا نوٹس لے لیا

انہوں نے کہاکہ کراچی میں امن وامان کی صورتحال بگڑتی جارہی ہے،پولیس میں سیاسی بھرتیاں کریں گےتویہی ہوگا، متعلقہ افسران کےخلاف بھی کارروائی کی جائے۔

امین الحق کا مزید کہنا تھا کہ سندھ حکومت امن وامان قائم کرنے میں ناکام ہوگئی، سندھ حکومت افسران کی تقرریوں پرپیسےلیتی ہے۔