کینگروز کو اسپن جال میں الجھا کر شکار کرنے کا پاکستانی منصوبہ

ویب ڈیسک

21st Feb, 2022. 09:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کینگروز کو اسپن جال میں الجھا کر شکار کرنے کا پاکستانی منصوبہ

پاکستان آسٹریلیا کے مابین کھیلے جانے والی ٹیسٹ سیریز میں شاہینوں نے کینگروز کے شکار کے لیے اسپن ہتھیاروں کو تیز کرلیا ہے۔

تفصیلات کے مطابق پاکستان کی ٹیسٹ سیریز کے لیے اعلان کردہ ٹیسٹ اسکواڈ میں شامل آف اسپنر ساجد خان کا کہنا ہے کہ اپنی فلائٹیڈ ڈیلیوریز سے حریف بیٹرز کو گھماؤں گا۔ ہیڈ کوچ ثقلین مشتاق کی موجودگی سودمند ثابت ہوئی ہے۔ معروف اسپنر یاسر شاہ سے بھی بھت کچھ سیکھنے کو ملتا ہے۔

ٹریننگ کیمپ کے دوران میڈیا سے بات کرتے ہوئے اسپنر کا کہنا تھا کہ دو ہفتے قبل لاہور میں کیمپ بھی فائدہ مند رہا۔ کراچی میں تیاریوں کا مزید موقع ملا۔

ان کا مزید کہنا تھا کہ 24 برس بعد آسٹریلوی ٹیم پاکستان آرہی ہے۔ وہ ایک مضبوط اور اچھی ٹیم ہے۔ ہمیں ان کے خلاف اچھی کارکردگی کا مظاہرہ کرنا ہوگا۔ آسٹریلوی ٹیم کے پاس ورلڈ کلاس اسپنرز موجود ہیں۔

ساجد خان نے کہا کہ میرا ہدف ہے کہ پاکستان کے لیے طویل خدمات دوں، کوشش ہوگی کہ آسٹریلیا کو ہراکر ٹیسٹ فارمیٹ کی بہترین ٹیم بنیں، گراؤنڈ میں محنت جاری ہے۔

اپنے نرالے جشن کے انداز پر اسپنر کا کہنا تھا کہ لوگ کہتے ہیں میں بھارتی بلے باز شیکھر دھون کی نقالی کرتا ہوں لیکن یہ تاثر درست نہیں ہے۔