جاپان میں یومیہ کورونا کیسز کی تعداد 90 ہزار تک پہنچ گئی

ویب ڈیسک

03rd Feb, 2022. 02:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جاپان میں یومیہ کورونا کیسز کی تعداد 90 ہزار تک پہنچ گئی

جاپانی میڈیا کے مطابق ملک بھر میں کورونا کی نئی لہر کے یومیہ کیسز کی سب سے زیادہ کیسز درج کئے گئے ہیں۔

جاپانی میڈیا کے مطابق کورونا سے متاثر ہونے مریضوں کی یومیہ تعداد پہلی بار 90 ہزار کا ہندسے سے تجاوز کر گئی ہے۔

ٹوکیو بلدیہ عظمیٰ نے بدھ کے روز کورونا وائرس کے ریکارڈ اکیس ہزار 576 نئے متاثرین کی اطلاع دی ہے۔

جاپانی دارالحکومت میں پہلی بار یومیہ متاثرین کی تعداد بیس ہزار سے متجاوز ہوئی ہے۔ یہ 28 جنوری کو بننے والے گزشتہ ریکارڈ سترہ ہزار 631 سے تقریباً چار ہزار زیادہ ہے۔

گزشتہ بدھ کے مقابلے میں یہ 1.5 گنا سے بھی زیادہ ہے۔

ٹوکیو بلدیہ عظمیٰ کے حکام نے کہا ہے کہ شدید علیل مریضوں کی تعداد منگل کے مقابلے میں ایک کے اضافے کے ساتھ تیس ہو گئی ہے۔

جاپان کے دیگرشہروں میں سے اوساکا نے 11,171، کاناگاوا نے 7,610، آئیچی نے 6,191، ہیوگو نے 5,913، فوکواوکا نے 5,042، سائیتاما نے 4,835، چیبا نے 3,944، ہوکائیدو نے 3587 کورونا مثبت کیسز درج کئے ہیں۔

علاوہ ازیں کیوتو نے 2,777، شیزواوکا نے 1,642، ایباراکی نے 1,139، کماموتو نے 1,082، اوکایاما نے 1,046، توچیگی نے 1,040، اور ہیروشیما نے 1,032 نئے متاثرین کی اطلاع دی ہے۔