افغانستان کرکٹ ٹیم  کے کپتان حشمت اللہ شاہدی نے کہا کہ وہ تین میچوں کی ون ڈے سیریز کو جیت کے ساتھ ختم کرنے پر خوش ہیں کیونکہ انہیں لگتا ہے کہ آئی سی سی ورلڈ کپ کے آئندہ ایڈیشن میں آگے بڑھنے کے لیے یہ 10 پوائنٹس ان کے لیے اہم ہوں گے۔

تفصیلات کے مطابق بنگلہ دیش نے ابتدائی دو میچ جیت کر سیریز اپنے نام کر لی لیکن آج ظہور احمد چودھری اسٹیڈیم میں سافغانستان  نے زبردست واپسی کرتے ہوئے بنگلادیش کو 7 وکٹوں سے شکست دی۔

دونوں ٹیمیں سیریز سے زیادہ سے زیادہ پوائنٹس حاصل کرنے کی منتظر تھیں کیونکہ یہ آئی سی سی سپر لیگ کا حصہ ہے۔

افغانستان، جس نے پہلے ویسٹ انڈیز اور آئرلینڈ کو شکست دے کر 60 پوائنٹس حاصل کیے تھے اب تین سیریز میں 70 پوائنٹس کے ساتھ اپنی مہم کا اختتام کیا۔

حشمت اللہ شاہدی  کا کہنا تھا کہ اس ون ڈے سیریز میں ہمارے لیے ہر میچ اہم تھا ہمیں پہلے دو میچوں میں مایوسی ہوئی لیکن کرکٹ میں ایسا ہوتا ہے، یہ دس پوائنٹس ہمارے مستقبل کو قدرے آسان بنا دیں گے۔

شاہدی نے کہا کہ انہیں خوشی ہے کہ اپنی تیسری ون ڈے سنچری بنانے کے بعد رحمن اللہ گرباز یہ میچ بنا سکے۔

حشمت اللہ شاہدی کا مزید کہنا تھاکہ گرباز آخری میچ میں زخمی ہوا تھا، اس لیے کل بھی وہ ٹھیک محسوس نہیں کر رہا تھا جب اس نے مجھے بتایا کہ وہ دستیاب ہے تو میں نے اسے اعتماد دیا میں نے اسے بتایا کہ تم وہی ہو جس پر مجھے یقین ہے میں نے اسے بتایا کہ جب بھی تم کریزپر جاؤتوسنچری بنانے کی کوشش کرو۔