پاکستان سپر لیگ سیزن 7 میں کراچی کنگز کی مسلسل 8 ویں شکست کے بعد جہاں بابر اعظم کو مداحوں کی تنقید کا سامنا ہے وہیں ان کے والد اپنے بیٹے کی حمایت میں بول پڑے۔

بابر اعظم کے والد اعظم صدیق نے اپنے بیٹے کا بھرپور دفاع اور حمایت کرتے ہوئے کہا کہ۔’بابر نہ گھبراتا ہے اور نہ ہی مایوس ہوتا ہے‘۔

بابر اعظم کے والد اعظم صدیق نے سوشل میڈیا پر بابر اعظم پر ہونے والی تنقیدوں کا جواب بھی سوشل میڈیا پر دیا۔

اعظم صدیق نے سوشل میڈیا پر کہا کہ بابر اعظم نہ گھبراتا ہے اور نہ ہی اس نے کبھی محنت سے جی چرایا ہے، بابر کبھی بھی مشکل حالات میں مایوس نہیں ہوتا۔

اعظم صدیق نے مزید کہا کہ دنیا کے ہر بڑے کھلاڑی ایسے مرحلے سے گزرتے ہیں ، بابر محنت کر رہا ہے ، انہوں نے کہا کہ دعا ہے جلد بابر کی فارم بحال ہو اور شکستوں کا بھنور سے نکلے۔

بابر اعظم کے والد نے کہا کہ بابر کے فینز دلبرداشتہ نہ ہوں وہ جلد ہی اپنی فارم میں واپس آئے گا۔

واضح رہے کہ کراچی کنگز کی ٹیم نے پی ایس ایل 7 کے رواں سیزن میں بابر اعظم کی قیادت میں انتہائی مایوس کن کھیل پیش کیا اور مسلسل 8 میچوں میں اسے شکست کا سامنا کرنا پڑا۔

 کراچی کنگز کے ابھی دو میچ باقی ہیں ، لیکن ان کی ٹیم مسلسل 8 شکست کے بعد پہلے ہی ایونٹ سے باہر ہو چکی ہے۔