کراچی کے علاقے اورنگی ٹاؤن میں پولیس نے کارروائی کے دوران اسٹریٹ کرمنل ملزم کو گرفتار کرلیا ہے۔
ایس ایس پی ویسٹ سوہائی عزیز کے مطابق ملزم جاوید خان اسٹریٹ کرائم کی متعدد وارداتوں میں ملوث تھا، ایس ایچ او پاکستان بازار نے خفیہ اطلاع پر کارروائی کر کے ملزم کو گرفتار کیا۔
سوہائی عزیز کا کہنا تھا کہ ملزم سے اسلحہ، ایمونیشن، چھینی گئی موٹر سائیکل اور موبائل فونز برآمد ہوئے ہیں، برآمدہ موٹر سائیکل تھانہ عوامی کالونی کے علاقے سے چھینی گئی تھی۔
ایس ایس پی ویسٹ نے کہا کہ واردات کا مقدمہ الزام نمبر 882/2021 بجرم دفعہ 392/397/34 تھانہ عوامی کالونی میں درج ہے، ملزم سے برآمدہ موبائل فونز میں اورنگی ٹاؤن کے علاقوں سے چھینے گئے 02 موبائل فونز بھی شامل ہیں۔
ایس ایس پی ویسٹ سوہائی عزیز کے مطابق ملزم کے خلاف سندھ آرمز ایکٹ کے تحت مقدمہ درج کرلیا گیا ہے، مزید وارداتوں میں ملزم کی شناخت اور تفتیش کا عمل جاری ہے، ملزم کے خلاف پہلے سے درج مقدمات کی تفصیلات حاصل کی جا رہی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
