کورونا کی پانچویں لہرکے دوران کراچی میں کیسز میں کمی کا سلسلہ جاری ہے۔

محکمہ صحت سندھ کی جانب سے جاری کردہ اعداوشمار کے مطابق چوبیس گھنٹوں کے دوران کراچی میں کورونا کیسز میں واضح کمی سامنے آئی۔

کراچی میں کورونا کیسز کہ شرح صرف 7.65 فیصد رپورٹ ہوئی۔

چوبیس گھنٹوں کے دوران سندھ بھر میں 804 کورونا کیسز رپورٹ ہوئے ، جن میں سے 488 کیسز کا تعلق کراچی سے ہے۔

گزشتہ 24 گھنٹوں کے دوران 1 مریض انتقال کرگئے، سندھ بھرمیں 699 اومیکرون کیسز کی تصدیق کی جاچکی ہے۔

محکمۂ صحت کے ذرائع نے بتایا کہ 375مریض مختلف اسپتالوں میں زیر علاج ہیں ،345کورونا مریضوں کی حالت تشویشناک جبکہ 31وینٹیلیٹرز پر زیر علاج ہیں۔

کورونا کی پانچویں لہر اپنی سائیکل پوری کر چکی، ماہرین

ماہرین کے مطابق سندھ میں کورونا کی پانچویں لہر اپنی سائیکل پوری  کر چکی، فروری میں سندھ میں کورونا کی حالیہ لہر میں مزید کمی متوقع ہوگی۔

کورونا مزید 37 افراد کی جان لے گیا

ملک بھر میں کورونا نے مزید 37 افراد  کی جان لے لی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گزشتہ 24 گھنٹوں کے دوران ملک میں مثبت کیسز کی شرح پانچ اعشاریہ تین چار فیصد ریکارڈ کی گئی۔

این سی او سی کے مطابق کورونا وائرس سے 37 افراد جاں بحق ہوگئے، جس کے بعد اموات کی تعداد 29 ہزار 553 ہوگئی۔

پاکستان میں کورونا کے تصدیق شدہ کیسز کی تعداد 14 لاکھ 65 ہزار 910 ہوگئی۔

Statistics 8 Feb 22:
Total Tests in Last 24 Hours: 52,327
Positive Cases: 2799

Advertisement

Positivity %: 5.34%
Deaths :37
Patients on Critical Care: 1668

— NCOC (@OfficialNcoc) February 8, 2022

نیشنل کمانڈ اینڈ آپریشن سینٹرکے مطابق گزشتہ 24 گھنٹوں کے دوران 2 ہزار 799 نئے کیسز رپورٹ ہوئے۔

پنجاب میں 4 لاکھ 90 ہزار 103، سندھ میں 5 لاکھ 53 ہزار 112، خیبرپختونخوا میں 2 لاکھ 4 ہزار 84، بلوچستان میں 34 ہزار 853، گلگت بلتستان میں 10 ہزار 945، اسلام آباد میں ایک لاکھ 31 ہزار 987 جبکہ آزاد کشمیر میں 40 ہزار 826 کیسز رپورٹ ہوئے۔