روس کی وزارت خارجہ کی ترجمان نے کہا ہے کہ 15 فروری 2022 کا دن مغرب کی ناکامی کے دن کے طور پر ہمیشہ یاد رکھا جائے گا۔

یوکرین کی سرحد پر ایک لاکھ روسی فوج کی موجودگی پر امریکہ نے حملے کا جو پروپیگنڈا کیا تھا وہ آج روسی افواج کی اپنی بیرکوں میں واپسی کے بعد ختم ہو گیا ہے۔

امریکہ کی جانب سے گزشتہ ایک ماہ سے یہ پروپیگنڈا کیا جاتا رہا کہ روسی افواج یوکرین پر حملہ کرنے والی ہیں، اس حوالے سے خطے میں مزید خوف و ہراس پھیلانے کے لئے امریکہ نے اپنے شہریوں کو یوکرین چھوڑنے کا حکم دے دیا تھا۔

امریکہ کی حمایت دیگر ممالک نے بھی اپنے شہریوں کو یوکرین سے نکلنے کا حکم دے دیا تھا۔

ہر نئے امریکہ کی جانب سے ایک نیا بیان سامنے آتا تھا جس کو دیکھ کر یوں محسوس ہوتا تھا کہ شاید چند گھنٹوں بعد روس افواج یوکرین پر دھاوا بول دے گی۔

اس حوالے سے روسی کی جانب سے غیر ذمہ دارانہ بیان سامنے نہیں آیا بلکہ اس نے امریکی بیان بازی پر اسے ’ہسٹریا‘ کا مریض قرار دیا تھا۔

آج ہی روسی دفتر خارجہ نے اپنے بیان میں کہا ہے کہ روسی فوج اپنی مشقوں کے بعد بیرکوں میں جانا شروع ہو گئی ہیں۔

روس نے فوجی مشقوں کے دائرہ کار میں فرائض مکمل کرنے والی بعض فوجی یونٹوں کی اپنی بیسوں کی طرف واپسی کا اعلان کیا ہے۔

روس وزارت خارجہ کی ترجمان ماریہ ظاہرووا نے شوسل میڈیا سے جاری کردہ تحریری بیان میں کہا ہے کہ مشقوں میں فرائض مکمل ہونے کے بعد بعض روسی فوجی یونٹوں نے بیسوں کی طرف واپسی شروع کر دی ہے۔

انہوں نے کہا ہے کہ “15 فروری 2022 کا دن جنگی پروپیگنڈے میں مغرب کی ناکامی کے دن کے طور پر تاریخ کا حصہ بنے گا۔ کوئی ایک بھی گولی چلے بغیر شرمندگی اور ہزیمت کے ساتھ” یہ امریکہ کی شکست کے طور پر یاد رکھا جائے گا۔