گوگل میپس کے 360 ڈگری فضائی شاٹ میں سینٹ لوئس، میسوری میں گیٹ وے آرچ کے اوپر آسمان میں سیاہ مثلث شکل کی خرابی دیکھی گئی ہے، جس کے بارے میں کہا جارہا ہے کہ یہ دوسری دنیا میں جانے کا راستہ ہے۔

ایک Reddit صارف کا دعویٰ ہے کہ اس نے گوگل میپس پر ایک مشہور لینڈ مارک کے اوپر آسمان میں دوسری دنیا کے لیے “گیٹ وے” تلاش کیا ہے۔

مذکورہ پورٹل ہوا میں ایک سیاہ دھبہ کے طور پر دیکھا گیا ہے جو صرف 38.6260664، 90.1864535- پر شاٹ کیے گئے فضائی منظر کے کچھ زاویوں سے دیکھا جا سکتا ہے۔

یہ خرابی یا گلچ سینٹ لوئس، میسوری میں گیٹ وے آرچ کے اوپر دیکھی گئی جو 190 میٹر سٹینلیس سٹیل کی یادگار ہے، جسے دنیا کا سب سے بڑا محراب سمجھا جاتا ہے۔

ایک ریڈ اِٹ صارف نے آسمان میں سیاہ دھبے کے 360 ڈگری منظر کی ویڈیو subreddit r/GoogleMaps پر پوسٹ کی، جس کے کیپشن میں لکھا گیا کہ سینٹ لوئس آرچ کے اوپر دوسری دنیا میں جانے کا راستہ کھل گیا ہے۔

اس پوسٹ کو صارفین کے مختلف کمنٹس کے ساتھ 56 اپ ووٹس ملے، جنہوں نے اس کا موازنہ افسانوی کہانیوں بشمول پوکیمون سے کیا۔

ایک صارف نے کہا، “یہ پلیسی بمقابلہ فرگوسن کورٹ ہاؤس کی نمائندگی کرنے کے لیے ایک ہوائی سیاہ نشان ہے۔”

جبکہ اک اور صارف نے ایرک وان شراڈر کے پہلے ناول “اے یونیورس لیس ٹریولڈ” پر ایک مضمون کا لنک پوسٹ کیا جس میں محراب کی تصویر ہے۔

یہ ناول 20ویں صدی میں سینٹ لوئس کے لیے ایک مختلف انداز میں ترتیب دیا گیا ہے، گویا قاری ایک متبادل جہت کا سفر ایک پورٹ کے زریعے کر رہا ہے۔

یہ خبر ایپ پر ایک اور پورٹل کے دیکھے جانے کے بعد سامنے آئی ہے جس کے بارے میں سازشی نظریات کے حامل افراد کا خیال ہے کہ وہ دوسرے سیارے کی طرف لے جاتا ہے۔

یہ “ڈاٹ” یا نقطہ مشہور نازکا لائنز کے قریب نمودار ہوا۔

سوئس مصنف، ایرک وان ڈینیکن نے اپنی کتاب، چیریٹس آف دی گاڈز میں تجویز کیا کہ نازکا لائنز خود ایک قدیم ہوائی اڈے کے رن وے تھے جو خلائی مخلوق اپنے خلائی جہازوں کے لیے استعمال کرتے تھے۔

انٹرنیٹ صارفین کو لگتا ہے کہ ڈاٹ کو بھی ماورائے دنیا سے جوڑا جا سکتا ہے۔

فی الحال تو Google Maps  پر یہ عجیب خرابی حقیقی معنی میں ایک معمہ بنی ہوئی ہے۔