ایپ کے ذریعے ٹی سلم جدید پمپ کو کنٹرول کرنا ممکن ہوگا جو ازخود انسولین فراہم کرے گا۔

امریکا میں ادویات اور طبی ٹیکنالوجی کی منظور دینے والے سب سے اہم ادارے ایف ڈی اے نے دنیا کی پہلی انسولین ایپ کی منظوری دیدی ہے جو ایک انسولین کٹ کے ساتھ ملکر کام کرے گی۔ اس طرح انسولین کی خوراک کے عمل کو خودکار بنانےمیں مدد ملے گی۔

اس ایپ اور نظام کو ٹی سلم ایکس ٹو کا نام دیا گیا ہےجو اسی نام سے بنائے گئے انسولین پمپ کے ساتھ ملکر کام کرے گا۔ اس طرح کھانے سےپہلے یا بعد میں انسولین پمپ کو آئی او ایس یا پھر اینڈروئڈ سافٹ ویئر کے ساتھ خودکار بنایا جاسکتا ہے۔

ٹینڈم ڈائبیٹس کیور نامی کمپنی نے یہ انسولین پمپ کٹ اور ایپ تیار کی ہے۔ اب اسے ایپ کی بدولت باسہولت انداز میں استعمال کرنا ممکن ہوگا۔ یہ خواتین و حضرات لباس کے اندر رکھتے ہوئے اسے ایپ سے کنٹرول کرسکتےہیں۔ کیونکہ مصروفیت کے وقت انسولین پمپ کا استعمال نکالنے میں تاخیر یا بھول بھی ہوسکتی ہے۔ پھر بہت سے خواتین و حضرات نہیں چاہتے کہ ان کی بیماری یا کمزوری لوگوں کے سامنے ظاہر ہو۔

ایپ میں مریض کی ہسٹری، مرض کی شدت، انسولین کے اوقاتِ کار اور دیگر معلومات بھی شامل کی جاسکتی ہے۔ ایپ کا سب سے اہم کام یہ ہے کہ اگر آپ ہوائی جہاز میں 18 گھنٹے کا طویل سفر کررہے ہیں تو اس کے اوقاتِ کار طے کرسکتےہیں۔ ایپ ازخود پمپ کو اطلاع دے گی اور انسولین پمپ کی بدولت جسم میں داخل ہوجائے گی۔