چوہدری پرویز الہٰی نے کہا ہے کہ جو ملک کے مفاد میں ہوگا وہ کریں گے۔
اسپیکر پنجاب اسمبلی چوہدری پرویز الہٰی سے وفاقی وزیر سیفران صاحبزادہ محبوب سلطان اورایم این اے صاحبزادہ امیر سلطان نے اسپیکر چیمبر میں ملاقات کی جس میں موجودہ ملکی سیاسی صورتحال سمیت باہمی دلچسپی کے امور پر تبادلہ خیال کیا گیا۔
چوہدری پرویز الہٰی نے کہا کہ سیاسی عمل کی وجہ سے رابطے سب کے ساتھ ہوتے ہیں، تاہم فیصلے مشاورت اور سوچ سمجھ کر ملکی مفاد میں کیے جاتے ہیں، جو ملک کے مفاد میں ہوگا وہ کریں گے۔
چوہدری پرویز الہٰی نے کہا کہ خاص طور پر اپنی سیاسی ساکھ کو مدنظر رکھتے ہوئے فیصلے کریں گے، پاکستان مسلم لیگ پارلیمنٹ کے اندر اور باہر عوامی خدمت میں اپنا بھر پور کردارادا کر رہی ہے۔
وفاقی وزیر صاحبزادہ محبوب سلطان اور ایم این اے صاحبزادہ امیر سلطان نے چوہدری شجاعت حسین کی خیریت بھی دریافت کی۔
Advertisement
محبوب سلطان نے کہا کہ چوہدری پرویزالٰہی کا وزارت اعلیٰ کا دور صوبے کا سنہری دور تھا اس دور میں عوام خوشحال تھے، یہی وجہ ہے کہ عوام آج بھی ترقی کے اس دور کو اچھے الفاظ میں یاد کر رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
