قومی خواتین کرکٹ ٹیم کل  لنکن کے برٹ سٹکلف اوول میں نیوزی لینڈ کے خلاف آئی سی سی ویمنز کرکٹ ورلڈ کپ سے پہلے دو وارم اپ کے لیے مکمل طور پر تیار ہے

۔تفصیلات کےمطابق تربیتی سیشن میں روانگی سے قبل، جویریہ خان، جو ون ڈے میں پاکستان کے لیے سب سے زیادہ رنز بنانے والی کھلاڑی ہیں، نے پی سی بی ڈیجیٹل کو بتایا کہ ان فارم نیوزی لینڈ کے خلاف وارم اپ میچ پاکستان کے لیے فائدہ مند ثابت ہوگا۔

جویریہ نے کہاکہ نیوزی لینڈ کے خلاف وارم اپ ہمارے لیے بہت اہم ہے کیونکہ اس سے ہمیں اہم ایونٹ سے پہلے اپنی صلاحیتوں کو جانچنے میں مدد ملے گی اور اس سے ہمیں ان چیلنجز کے لیے تیاری کرنے میں مدد ملے گی جن کا ہمیں ورلڈ کپ میں سامنا ہو سکتا ہے۔

ان کا کہنا تھا کہ ہم نے چھ سات دن کی مشق کی ہے، اور خود کو نیوزی لینڈ کے حالات سے ہم آہنگ کر لیا ہے،یہاں ہوا بہت ہے، جو پاکستان میں نہیں ہے، اور وکٹیں بھی مختلف ہیں۔

نیوزی لینڈ میں اب تک اپنے قیام پر غور کرتے ہوئے جویریہ نے کہاکہ یہاں آکر اچھا لگا، یہاں ہونے کے بارے میں اچھی بات یہ ہے کہ ہم گھوم سکتے ہیں، جو آپ کو تربیتی سیشن کے بعد اپنے دماغ کو تازہ دم کرنے میں مدد کرتا ہے۔

انہوں نے کہا کہ یہ ورلڈ کپ میرے لیے بہت اہم ہے،یہ ایک میگا ایونٹ ہے اور میں زیادہ سے زیادہ رنز بنانے اور ٹیم کو میچ جیتنے میں مدد کرنے کی کوشش کروں گی۔

پاکستان اپنا دوسرا وارم اپ 2 مارچ کو بنگلہ دیش کے خلاف کھیلے گا۔

واضح رہے کہ میگا ایونٹ میں پاکستان کا پہلا مقابلہ 6 مارچ کو روایتی حریف بھارت سے ہوگا۔