اسد عمر کا کہنا ہےکہ کوروناسےبچاؤکیلئےویکسی نیشن ضروری ہے، 55 ہزارٹیمیں گھر گھر جاکر ویکسی نیشن کریں گی۔

سربراہ این سی اوسی اسدعمر نے کورونا کی پانچویں لہر کی شدت اور ویکسی نیشن کی صورتحال پر میڈیا بریفننگ  دیتے ہوئے کہاکہ عوام کی بڑی تعداد بوسٹرڈوزلگواچکی ہے،عوام ہرصورت ویکسی نیشن کرائیں، دوہفتوں میں ساڑھے 3 کروڑ سے زائد افراد کی ویکسی نیشن کا ٹارگٹ ہے۔

ان کا کہنا تھا کہ موبائل ویکسی نیشن ٹیمیں گھرگھرجاکرویکسین لگائےگی، 18 کروڑ افراد کو ویکسین لگائی جاچکی ہے، اومی کرون کےاثرات ویکسی نیشن والوں کوکم ہوئے۔

سربراہ این سی اوسی نے کہاکہ  2 ڈوزلگوانےکے 6 ماہ بعد بوسٹرڈوزلگوائیں، 25 لاکھ افراد بوسٹر ڈوزلگواچکے، بوسٹرڈوزسےقوت مدافعت میں اضافہ ہوگا، کورونا سےنکلنےکاراستہ صرف اورصرف ویکسی نیشن ہے۔

انہوں نے مزید کہاکہ بوسٹرڈوزبھی مفت لگائی جارہی ہے،کورونا سے بچاؤ کیلئے ویکسی نیشن ضروری ہے۔

ملک میں کورونا سے مزید 32 اموات ریکارڈ

پاکستان میں کورونا وائرس سے مزید 32 افراد جاں بحق ہو گئے، جس کے بعد اموات کی مجموعی تعداد 29 ہزار 301 ہو گئی ہے۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گزشتہ 24 گھنٹوں کے دوران مثبت کیسز کی شرح نو اعشاریہ چھ پانچ فیصد ریکارڈ کی گئی۔

این سی او سی کے مطابق پاکستان میں کورونا کے تصدیق شدہ کیسز کی تعداد 14 لاکھ 30 ہزار 366 ہوگئی ہے۔

Statistics 1 Feb 22:

Advertisement

Total Tests in Last 24 Hours: 55,202
Positive Cases: 5327
Positivity %: 9.65%
Deaths :32
Patients on Critical Care: 1500

— NCOC (@OfficialNcoc) February 1, 2022

نیشنل کمانڈ اینڈ آپریشن سینٹر کے اعدادوشمار کے مطابق گزشتہ 24 گھنٹوں کے دوران 5 ہزار 327 نئے کیسز رپورٹ ہوئے۔

پنجاب میں 4 لاکھ 80 ہزار 421، سندھ میں 5 لاکھ 43 ہزار 170، خیبرپختونخوا میں ایک لاکھ 94 ہزار 887، بلوچستان میں 34 ہزار 417، گلگت بلتستان میں 10 ہزار 703، اسلام آباد میں ایک لاکھ 28 ہزار 429 جبکہ آزاد کشمیر میں 38 ہزار 339 کیسز رپورٹ ہوئے۔

کورونا کی پانچویں لہر اپنی سائیکل پوری کرچکی، ماہرین

ماہرین صحت کے مطابق سندھ میں کورونا کی پانچویں لہر اپنی سائیکل پوری  کر چکی، فروری میں سندھ میں کورونا کی حالیہ لہر میں مزید کمی متوقع ہے۔