آئی پی ایل میں پہلی دفعہ حصہ لینے والی ٹیم کے نام کا اعلان کر دیا گیا

ویب ڈیسک

09th Feb, 2022. 03:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی پی ایل میں پہلی دفعہ حصہ لینے والی ٹیم کے نام کا اعلان کر دیا گیا

انڈین آئی پی ایل 2022 کے سیزن میں مزید دو نئی فرنچائز شامل کی گئی ہیں ، جس میں شامل حیدرآباد فرنچائز نے اپنی ٹیم کے نام کا اعلان کر دیا۔

حیدرآباد فرنچائز نے اپنی ٹیم کا نام ’گجرات ٹائٹینز‘ رکھا ہے، جو انڈین پریمئیر لیگ کے 15 ویں ایڈیشن میں جلوہ گر ہو گی۔

فرنچائز نے بھارت اور ویسٹ انڈیز کے مابین ون ڈے سیریز کے دوسرے میچ سے قبل ایک پری میچ پروگرام کے دوران اپنی ٹیم کے نام کا اعلان کیا۔

گجرات ٹائٹینز کی قیادت بھارتی آل راؤنڈر ہردیک پانڈیا کریں گے ، جبکہ سابق بھارتی فاسٹ بالر اشیش نہرا ٹیم کے ہیڈ کوچ کے طور پر اپنی ذمہ داریاں نبھائیں گے۔

واضح رہے کہ انڈین آئی پی ایل میں رواں سال مزید دو نئی ٹیم کی شمولیت کا اعلان کیا گیا ہے ، جس میں گجرات ٹائٹینز اور لکھنؤ سپر جائنٹس شامل ہیں۔

بھارتی لیگ میں دو نئی ٹیموں کی شمولیت کے بعد لیگ اب 10 ٹیموں پر مشتمل ہو چکی ہے۔

انڈین پریمئیر لیگ میں کھلاڑیوں کی خریداری رواں ماہ 12 اور 13 فروری کو بنگلور میں ہو گی۔

گجرات ٹائٹینز میگا آکشن سے قبل ہردیک پانڈیا کے علاوہ راشد خان اور شبمن گل کو پہلے ہی اپنی ٹیم کا حصہ بنا لیا ہے.

گجرات ٹائٹینز کی ملکیت ایک نجی کمپنی کے پاس ہے۔