شیخ رشید احمد نے کہا ہے کہ پاکستان  اور سارے عالم  اسلام کی ہمدردیاں کشمیریوں کے ساتھ ہیں۔

وفاقی وزیرداخلہ شیخ رشید احمد نے یوم یکجہتی کشمیر پر اپنے ایک ویڈیو پیغام میں کہا کہ برسوں سے کشمیر کی جدوجہد آزادی کوہندوستان کی ظالم فوج اور آرایس ایس کے غنڈے نہیں رو ک سکے۔

انہوں نے کہا کہ کشمیر میں جس طرح قربانیوں سے اس جدوجہد آزادی کو زندہ رکھا ہے یہ ساری دنیا میں مانا جارہا ہے۔

وفاقی وزیرداخلہ کا کہنا تھا کہ 23 لاکھ سے زائد لوگوں کے جعلی  بھارتی حکومت نے جعلی ڈومیسائل بنائے ہیں تا کہ اسرائیل کی طرز پر  کشمیر کی آبادی  کا بھی تناسب بگاڑا جاسکے۔

شیخ رشید احمد نے کہا کہ کشمیری کا جوش و جذبہ کم نہیں ہوا ،جان ہتھیلی پررکھ کشمیری جدوجہد کررہے ہیں، ساری دنیا اس بات کو تسلیم  کررہی ہے جو ظلم بھارت کشمیر میں ڈھا رہاہے اس کی دنیا میں کوئی مثال نہیں ملتی۔

ان کا کہنا تھا کہ سیکولر کہلوانے والا ہندوستان ساری دنیا میں انتہا پسند  ہندودت کے نام سے جانا پہچانا جارہا ہے۔

وفاقی وزیرداخلہ شیخ رشید احمد کا مزید کہنا تھا کہ بے قصور لوگوں کو پولیس مقابلوں میں شہید کرنے کے باوجود  ہندوستان کو کوئی کامیابی حاصل نہیں ہوسکی، پاکستان  اور سارے عالم  اسلام کی ہمدردیاں کشمیریوں کے ساتھ ہیں۔