پاکستان میں یومیہ ویکسی نیشن نے نیا سنگ میل عبور کر لیا۔

وفاقی وزیر برائے منصوبہ بندی اور سربراہ این سی او سی اسد عمر نے سماجی رابطے کی ویب سائٹ ٹوئٹر پر جاری اپنے پیغام میں کہا کہ ایک دن میں 22 لاکھ 40 ہزار افراد کو ویکسین لگانے کا ریکارڈ قائم کرلیا گیا۔

انہوں نے بتایاکہ مسلسل پچھلے 4 دن میں ہم نے ہر روز 20 لاکھ سے زائد ویکسین کی خوراکیں لگائیں۔

Another record set with 2.24 million vaccinations in a day. Last 4 days in a row we have vaccinated more than 2 million each day. Every 3 out of 4 pakistani’s eligible for vaccination have recieved at least 1 dose. 58% are fully vaccinated. Well done Pakistan

Advertisement

— Asad Umar (@Asad_Umar) February 11, 2022

اسد عمر نے مزید کہا کہ ویکسی نیشن کے اہل ہر 4 میں سے 3 پاکستانیوں کو کم از کم ایک خوراک لگ چکی ہے، 58 فیصد افراد کو مکمل طور پر ویکسین لگ چکی ہے۔

گزشتہ 24 گھنٹوں کے دوران کورونا سے 39 افراد جاں بحق

گزشتہ 24 گھنٹوں کے دوران کورونا سے 39 افراد جاں بحق ہوگئے۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گزشتہ 24 گھنٹوں کے دوران

این سی او سی کے مطابق کورونا وائرس سے 39 افراد جاں بحق ہوگئے، جس کے بعد اموات کی تعداد 29 ہزار 687 ہوگئی۔

پاکستان میں کورونا کے تصدیق شدہ کیسز کی تعداد 14 لاکھ 77 ہزار 573 ہوگئی۔

Statistics 11 Feb 22:
Total Tests in Last 24 Hours: 58,077

Advertisement

Positive Cases: 3498
Positivity %: 6.02%
Deaths :39
Patients on Critical Care: 1663

— NCOC (@OfficialNcoc) February 11, 2022

 اعدادوشمار کے مطابق گذشتہ 24 گھنٹوں کے دوران 3 ہزار 498 نئے کیسز رپورٹ ہوئے۔

پنجاب میں 4 لاکھ 93 ہزار 478، سندھ میں 5 لاکھ 55 ہزار920، خیبرپختونخوا میں 2 لاکھ 7 ہزار 820، بلوچستان میں 34 ہزار 986، گلگت بلتستان میں 11 ہزار 74، اسلام آباد میں ایک لاکھ 32 ہزار 711 جبکہ آزاد کشمیر میں 41 ہزار 584 کیسز رپورٹ ہوئے۔