مہاجر قومی موومنٹ کے سربراہ آفاق احمد کا کہنا ہے کہ کراچی میں ڈکیتوں  نے عام آدمی کے لیے زندہ رہنا دشوار بنا دیا ہے۔

تفصیلات کے مطابق  آفاق احمد نے سینئر پروڈیوسر اطہر متین کے قتل پر افسوس کا اظہار کرتے ہوئے کہا کہ   اطہر متین کی شہادت پرمیرے پاس الفاظ نہیں ہیں، دلیر صحافت کے علمبردار اطہر متین کو بھلائے نہیں بھلایا جاسکتا۔

آفاق احمد نے کہا کہ میرے شہر کے بچے روز  مر رہے ہیں، روز لٹ رہے ہیں لیکن حکمران خواب غفلت کی نیند سے بیدار ہونے پہ تیار نہیں۔

مہاجر قومی موومنٹ کے سربراہ کا کہنا تھا کہ شہر کراچی میں ڈکیتوں  نے عام آدمی کے لیے زندہ رہنا دشوار بنادیا ہے، خدا کے لیئے کراچی کو جینے دو۔

انہوں نے مزید کہا کہ جان و مال کے تحفظ کی ذمے داری جن کی ہے وہی اس واقعے کے زمے دار بھی ہیں۔

واضح رہے کہ آج صبح ہی کراچی میں نامعلوم افراد کی فائرنگ سے صحافی اطہرمتین جاں بحق ہوگئے۔

کراچی کے علاقے نارتھ ناظم آباد میں نامعلوم ملزمان کی جانب سے گاڑی پر فائرنگ کی گئی ، جس کے نتیجے میں صحافی اطہر متین جاں بحق ہوگئے۔

جاں بحق ہونے والے صحافی نجی نیوز چینل سے وابستہ تھے، مقتول اپنے بچوں کو اسکول چھوڑ کر گھرواپس لوٹ رہے تھے۔

ایس پی گلبرگ طاہرنورانی نے بتایاکہ  اطہرمتین بچوں کواسکول چھوڑنےکےبعدواپس جارہےتھےکہ موٹرسائیکل سوارنےاطہرمتین کوروکنےکی کوشش کی۔

ایس پی گلبرگ نے کہاکہ فائرنگ کےبعد موٹرسائیکل سوارفرارہوگیا، سی سی ٹی وی فوٹیج کی مدد سےمزید تفتیش کریں گے۔