’پاکستان کے معاشی استحکام کیلئے حکومت اقتصادی ایجنڈے پر گامزن ہے‘

ویب ڈیسک

09th Feb, 2022. 02:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’پاکستان کے معاشی استحکام کیلئے حکومت اقتصادی ایجنڈے پر گامزن ہے‘

شاہ محمود قریشی نے کہا ہے کہ پاکستان کے معاشی استحکام کیلئے حکومت جغرافیائی، اقتصادی ترجیحاتی ایجنڈے پر گامزن ہے۔

امریکہ کیلئے پاکستان کے نامزد سفیر سردار مسعود خان کی وزارتِ خارجہ میں وزیر خارجہ مخدوم شاہ محمود قریشی سے ملاقات ہوئی ہے۔

ملاقات میں وزیر خارجہ نے بطور امریکہ میں بطور سفیر نامزدگی پر سردار مسعود خان کو مبارکباد دی۔

شاہ محمود قریشی نے ملاقات میں گفتگو کرتے ہوئے کہا کہ پاکستان، امریکہ کے ساتھ ساتھ دو طرفہ، وسیع البنیاد اور کثیرالجہتی تعلقات کا خواہاں ہے۔

انہوں نے کہا کہ ضرورت اس امر کی ہے کہ اقتصادی سفارت کاری کے ذریعے دنیا کی توجہ پاکستان میں موجود سرمایہ کاری کے میسر وسیع مواقعوں کی جانب مبذول کروائی جائے۔

وزیر خارجہ نے مزید کہا کہ توقع ہے کہ آپ جیسے وسیع تجربے کے حامل اور منجھے ہوئے سفارت کار کی تعیناتی سے، پاک امریکہ تعلقات مزید مستحکم ہوں گے۔

دوسری جانب ملاقات میں امریکہ کیلئے نامزد سفیر سردار مسعود خان نے وزیر خارجہ کا شکریہ ادا کرتے ہوئے ان کی ہدایات پر عمل درآمد کی یقین دہانی کرائی۔