گزشتہ دوبرسوں سے جاری اس وبا کے دوران دنیا بھرمیں ویکسین کے حوالے سے کئی افواہیں گردش میں تھی جن کی وجہ سے دنیا کی ایک بڑی آبادی اسے لگوانے سے گریزکر رہی تھی۔ لیکن اب حال ہی میں کی جانے والی ایک تحقیق کے نتیجے میں یہ بات سامنے آئی ہے کہ ایسے تمام افراد جو ویکسین لگوانے سے منع کرتے رہے ہیں یا ہچکچاہٹ کا شکار ہیں دراصل وہ بچپن میں پہنچنے والے صدمے یا گھریلوتشدد کی بنا پر ایسا کرتے ہیں۔

اس تحقیق کے نتائج آن لائن بی ایم جے اوپن نامی طبی جریدے میں شائع کئے گئے ہیں۔

اس تحقیق کے مطابق بچپن کا صدمہ جتنا زیادہ ہوگا ویکسین سے ہچکچاہٹ اتنی ہی شدت سے سامنے آئی گی۔

مثال کے طور پر ایسے افراد جنہوں نے بچپن میں چاریا اس سے زیادہ قسم کے گھریلو تشدد کا سامنا کیا ان میں ویکسن کے سے ہچکچاہٹ ان لوگوں کے مقابلے میں تین گنا زیادہ تھی بہ نسبت ایسے افراد کے جنہوں نے بچپن میں کسی بھی صدمے سے نہیں گزرے۔

یہ کہنا ہے برطانیہ کی بینگور یونیورسٹی کے پی ایچ ڈی ڈاکٹر مارک اے بیلس جو کہ اس تحقیق میں شامل ایک مصنف ہیں۔

تاہم ان کا یہ بھی کہنا ہے کہ اس طرح طبی پیشہ سے وابستہ افراد کے لئے اس طرح کا طرزعمل مسائل کو مزید بہتر طریقے سے سمجھنے میں مدد ملے گی۔ اور یہی وجہ ہے کہ زیادہ صدمہ کم اعتماد کو ظاہر کرتا ہے۔

دسمبر 2020 اور مارچ 2021 تک برطانیہ میں کووڈ کی لاک ڈاؤن کے دوران بالغ افراد سے فون پر سروے کیا گیا، اس سروے کے دوران 6,763 سے رابطہ کیا گیا، ان میں سے 2,285 نے تمام سوالات کے جوابات دیئے۔

اس سوال نامے میں 18 برس سے کم عمر افراد کو نو مختلف اقسام کے صدمے اور تشدد جیسے والدین سے الگ ہوجانا، جسمانی، زبانی اور جنسی زیادتی، گھریلو تشدد، منشیات کے عادی شخص کے ساتھ جیسے ذہنی بیمار کے ساتھ رہنا، منشیات کا غلط استعمال کرنا یا قید میں رکھنا کے بارے میں پوچھا گیا تھا۔

ساتھ ہی اس میں ذاتی تفصیلات اور صحت کے متعلق معلومات بھی نوٹ کی گئی تھی۔

اس سروے میں شامل نصف افراد کا کہنا تھا کہ انہو نے بچپن میں کسی بھی صدمے کا سامنا نہیں کیا تھا۔ جبکہ پانچ میں سے ایک نے کہا کہ وہ ان میں ایک کا تجربہ کر چکے ہیں، 17% کو دو سے تین کا سامنا رہا اور 10% نے چار یا اس سے زیادہ کے بارے میں بتایا۔ ساتھ ہی اس سروے میں صحت کے مختلف ضوابط کے لئے اعتماد اور ترجیح کی سطح کو بھی جانچا گیا۔

یہی وجہ تھی کہ زیادہ صدمے سے گزرنے والوں نے حکومت کی جانب سے دی جانے والی معلومات پر کم اعتماد کا اظہار کیا اورچار سے زیادہ صدمات سہنے والوں نےکووڈ کے لئے لگائی جانے والی پابندیوں جیسے فیس ماسک پہننے کو غیر منصفانہ قرار دیا۔ انہیں یہ پابندیاں پچپن کی یاد دلاتی ہیں۔ تاہم محققین کا کہنا ہے اس ضمن میں مزید تحقیق کی گنجائش ہے۔