سری لنکا کے خلاف ٹی ٹوئنٹی سیریز کے دوسرے میچ کے دوران زخمی ہونے والے اسٹیو اسمتھ نے کہا تھا کہ وہ جلد از جلد ٹھیک ہو جائیں گے۔

اسٹیو اسمتھ کی یہ انجری سری لنکا کے خلاف دوسرے میچ کے آخری اوور میں ہوئی تھی ، وہ سری لنکا کے خلاف 5 میچوں کی سیریز کے باقی میچوں سے باہر ہو چکے ہیں۔

انجری کے بعد انہوں نےسماجی رابطے کی ویپ سائٹ پر ایک ٹوئٹ کیا تھا کہ وہ جلد ٹھیک ہو جائیں گے، چوٹ زیادہ نہیں تھی اور وہ گراؤنڈ سے باہر خود چل کر گئے تھے۔

https://www.youtube.com/watch?v=BT8NcdeSWsc

اسٹیو اسمتھ کی انجری کے وقت بھارت کے شہر بنگلور میں انڈین آئی پی ایل کے میگا آکشن کی تقریب جاری تھی، اسٹیو اسمتھ کا نام ان 600 کھلاڑیوں کی فہرست میں شامل تھا جن کی میگا آکشن میں بولی لگنی تھی۔

اسٹیو اسمتھ کے زخمی ہونے سے نہ صرف آسٹریلوی ٹیم، بلکہ مداح بھی پریشان ہوگئے تھے۔ اب اس بلے باز نے ٹوئٹ کیا ہے، ‘میری فکر کرنے کے لئے آپ سبھی کا شکریہ، میں پہلے سے بہتر محسوس کر رہا ہوں اور جلد ٹھیک ہوجاوں گا‘۔

اسٹیو اسمتھ کی جانب سے جلد ٹھیک ہونے کی یقین دہانی کے باوجود انڈین پریمئیر لیگ کے میگا آکشن میں کسی فرنچائز نے انہیں خریدنے میں دلچسپی نہیں دکھائی۔

کرکٹ کے تجزیہ نگار بھی فرنچائزرز کی اس طوطا چشم رویئے پر حیران ہیں، تجزیہ نگاروں کا کہنا تھا کہ کھلاڑی کتنا ہی بڑا کیوں نہ ہو مگر فرنچائز پہلے اپنا مفاد دیکھتی ہیں۔