مریم اورنگزیب نے کہا ہے کہ پیکا آرڈیننس کو ہائیکورٹ میں چیلنج کرنے کافیصلہ کیاہے۔

پاکستان مسلم لیگ (ن) کی ترجمان مریم اورنگزیب نے پریس کانفرنس کرتے ہوئے کہا ہے کہ اپوزیشن بڑا کام کرنے جارہی ہے،مشارت کا سلسلہ جاری ہے۔

انہوں نے کہا کہ ہمارا مقصد عوام کو مہنگائی،بےروزگاری سے نکالنا ہے، پیکامیں جرم کی تعریف کیے بغیر5سال سزامقررکی گئی، اپنی نالائقی کو دیکھیں،آپکی ٹکٹ پر کوئی الیکشن لڑنا نہیں چاہتا۔

مریم اورنگزیب نے کہا کہ آپ کے نام پر جو سیاست نہیں کرسکتے انکو پیسوں کی ضرورت نہیں، اقتدارکی کرسی جاتی ہے تومانگے تانگے کامینڈیٹ کام نہیں آتے، اکاؤنٹس کی تفتیش کیلئے سوئس بینکس کو خطوط لکھے گئے۔

پاکستان مسلم لیگ (ن) کی ترجمان نے کہا کہ کالے قانون کو پارلیمان اور ہائیکورٹ میں چیلنج کرینگے، کرائے کے ترجمان کہتے ہیں اپوزیشن نے پیسوں کی آفر کی ہے، اپنی پوری سیاست مخالفین کی تضحیک پر چمکائی ، آپ ہمیں بتائیں گے بہتان اور تضحیک کیا ہوتی ہے؟

انہوں نے کہا کہ جب بات کرتے ہیں لوگوں کی تضحیک کرتے ہیں، پیکا قانون کاسب سےپہلےعملدرآمدعمران خان پرہوناچاہیے، شہزاد اکبر کاغذ لہرا لہرا کر الزامات لگاتے تھے،آج غائب ہیں، کنٹینرپرکھڑےہوکرریاست مدینہ کانام استعمال کرکےسیاست کی۔

مریم اورنگزیب نے کہا کہ کالے قانون کے تحت زبان بندی کرنے کی کوشش کررہےہیں، دوسروں کی تضحیک خود کریں تو 5 سال حکومت کریں، ہم آپ پر تنقید کریں تو 5 سال سزا ملے گی۔

پاکستان مسلم لیگ (ن) کی ترجمان نے کہا کہ آپ ملک کو دونوں ہاتھوں سے لوٹ رہے ہیں، پیکا آرڈیننس کو ہائیکورٹ میں چیلنج کرنے کافیصلہ کیاہے، کہتے ہیں ہم گھبرائے ہوئے نہیں ہیں ، چور ٹولےپرجوتنقیدکرےگااسےبغیرٹرائل کےگرفتارکرلیاجائےگا۔

انہوں نے کہا کہ نا اہل ٹولے نے ملک میں لوٹ مار کا بازار گرم کیا ہے، عوام کو نالائق ٹولے سے نجات دلائیں گے، عمران خان اور کرائے کے ترجمانوں کی چیخیں سنائی دے رہی ہیں۔