ایکشن سے بھرپور فلموں کے شوقین افراد کے لئے اچھی خبر، پہلی مرتبہ اکشے کمار اور ارشد وارثی اپنی نئی آنے والی فلم میں ایک ساتھ دکھائی دیں گے۔

رپورٹ کے مطابق اکشے کمار اور ارشد وارثی کی نئی ایکشن فلم بچن پانڈے اگلے ماہ ریلیز کی جائے گی جس میں مداحوں کو پہلی مرتبہ ’کھلاڑی ہیرو‘ اکشے کمار اور ’سرکٹ‘ ارشد وارثی کی بہترین اداکاری ایک ساتھ دیکھنے کو ملے گی۔

’بچن پانڈے‘ کی شوٹنگ دو سال سے جاری تھی اور ابتدائی طور پر فلم کو گزشتہ برس ریلیز کیا جانا تھا، مگر اب اسے آئندہ ماہ پیش کیا جائے گا۔

’بچن پانڈے‘ کا ٹریلر 18 فروری کو جاری کیا گیا تھا جس کو دیکھ کر واضح ہے کہ شائقین کو فلم میں نہ صرف ایکشن اور مار دھاڑ دیکھنے کو ملے گی بلکہ مصالحہ اور کامیڈی کا بھرپور تڑکہ بھی دیکھ سکیں گے۔

Advertisement

AKSHAY KUMAR – ARSHAD WARSI… #AkshayKumar and #ArshadWarsi teamed for the first time for action-comedy #BachchanPandey… Costars #KritiSanon… Shoot begins Jan 2021 in #Jaisalmer… Will continue till March 2021… Directed by #FarhadSamji… Produced by #SajidNadiadwala. pic.twitter.com/UpE2yPBClm

— taran adarsh (@taran_adarsh) November 28, 2020

فلم میں ’بچن پانڈے‘ کا کردار اکشے کمار نے ادا کیا ہے جو کہ ایک ولن کا کردار ہے جبکہ ارشد وارثی نے کریتی سینن کے ساتھی کا کردار ادا کیا ہے جو کہ اکشے کمار کی زندگی پر فلم بناتے دکھائی دیتے ہیں۔

یہی نہیں بلکہ اس فلم کی کاسٹ میں جیکولین فرنانڈس بھی اکشے کمار کے ساتھ رومانوی انداز میں جلوہ گر ہوں گی جبکہ فلم کی دیگر کاسٹ میں پنکج ترپھاتی، پرتیک ببر اور سنجے مشرا بھی شامل ہیں۔

فلم کے ٹریلر میں اکشے کمار کو بھرپور ایکشن کرتے دیکھا جا سکتا ہے، فلم کی ہدایات فرہاد سامجی نے دی ہیں جبکہ اسے ساجد نڈیاڈوالا نے پروڈیوس کیا ہے۔

واضح رہے کہ ارشد وارثی اور اکشے کمار کو فلم انڈسٹری میں تین دہائیاں گزر چکی ہیں اور دونوں نے درجنوں فلموں میں بڑے بڑے ہیروز کے ساتھ کام کیا ہے، تاہم پہلی بار دونوں ایک ساتھ دکھائی دیں گے فلم آئندہ ماہ 18 مارچ کو ریلیز ہوگی۔