چوہدری پرویزالہیٰ نے کہا ہے کہ اپوزیشن تحریک عدم اعتماد پرابھی سامان جمع کررہی ہے۔

اسپیکر پنجاب اسمبلی چوہدری پرویزالہیٰ نے پریس کانفرنس کرتے ہوئے کہا ہے کہ اپوزیشن تحریک عدم اعتماد پرابھی سامان جمع کررہی ہے ، سامان باورچی خانے میں جمع کیا،پکانہیں ہے۔

انہوں نے کہا کہ کچھ پک کرسامنے آئے گا تودیکھیں گے ، ہم ہرغلط کام کی نشاندہی کرتے ہیں ، آصف زرداری چوہدری شجاعت کی خیریت دریافت کرنے آئے تھے ، ایم کیوایم سے ملاقات میں تحریک عدم اعتماد پربات نہیں ہوئی۔

چوہدری پرویزالہیٰ نے کہا ہے کہ ہم نےبہت سی خراب چیزوں کوٹھیک کروایا ، حکومت کی مدت مکمل ہونےمیں2سال باقی ہیں ، ہم اپوزیشن کوساتھ لے کرچلتے ہیں ، عوام کی تکالیف اورمشکلات کوحکومت تک پہنچاتےہیں۔

دوسری جانب متحدہ قومی موومنٹ کے رہنما عامر خان نے پریس کانفرنس کرتے ہوئے کہا ہے کہ ہم اپناحصہ بڑھانے کے موڈ میں نہیں،ایک وزارت بھی واپس لے لیں۔

انہوں نے کہا کہ حکومت کے ساتھ ہیں، فیصلے کرنے میں آزاد ہیں ، ایم کیوایم اورق لیگ وفاق میں اتحادی ہیں ، ق لیگ سے مشاورت کا سلسلہ جاری رہے گا۔

عامرخان نے کہا ہے کہ وزیراعلیٰ ہاؤس کے باہردھرنے پرپولیس تشدد کی مذمت کی گئی ، سندھ بلدیاتی ایکٹ کے خلاف آل پارٹیزکانفرنس منعقد کی ، اے پی سی میں ق لیگ نے ہمارے مؤقف کی حمایت کی۔

متحدہ قومی موومنٹ کے رہنما عامر خان نے کہا کہ سندھ بلدیاتی ایکٹ پراپوزیشن جماعتوں نے تحفظات کا اظہار کیا۔