ہماری ترجیح جنوبی بلوچستان کے مقامی لوگوں کیلئے روزگار کے مواقع پیدا کرنا ہے، اسد عمر

ویب ڈیسک

09th Feb, 2022. 09:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہماری ترجیح جنوبی بلوچستان کے مقامی لوگوں کیلئے روزگار کے مواقع پیدا کرنا ہے، اسد عمر

اسد عمرکا مزید کہنا تھا کہ شہبازشریف نے کہا کہ عمران خان نے قریبی دوستوں کو ناراض کیا، لیکن ہم نے شریف خاندان کے قریبی دوست مودی کو ناراض کیا۔

اسد عمر نے کہا ہے کہ ہماری اولین ترجیح جنوبی بلوچستان کے مقامی لوگوں کیلئے روزگار کے مواقع پیدا کرنا ہے۔

وزیر منصوبہ بندی اسد عمر کی زیر صدارت بلوچستان میں کمانڈ ڈویلپمنٹ ایریا کے حوالے سے جائزہ اجلاس ہوا جس میں سیکرٹری پلاننگ کمیشن، سیکرٹری وزارت آبی وسائل ، ممبر انفراسٹکچر اور سئنیر افسران نے شرکت کی۔

سیکرٹری وزارت آبی وسائل و بجلی نے کہا کہ بلوچستان میں پانی سے متعلق 40 منصوبے وفاقی حکومت کے فنڈز سے لگائے جا رہے ہیں ، جن کا کل تخمینہ 273 ارب روپے ہے۔

انہوں نے کہا کہ یہ منصوبے پانچ سال کی مدت میں منظور ہونگے ، 2 ارب روپے کی لاگت سے 10 پانی کے منصوبے مکمل ہو چکے ہیں جبکہ چند پر کام جاری ہے۔

اسد عمر نے اجلاس میں بلوچستان کے کمانڈ ایریا ڈویلپمنٹ کے مسودے کو حتمی شکل دینے کی ہدایات دی۔

انہوں نے کہا کہ ہماری اولین ترجیح بلوچستان کے عوام خصوصاً جنوبی بلوچستان کے مقامی لوگوں کے لیے روزگار کے مواقع پیدا کرنا ہے، ان منصوبوں کے ذریعے مقامی علاقوں کے کسانوں کی مدد کی جا سکے گی۔