ہم نے ہمیشہ عوام کے مفاد کو ترجیح دی ہے، چودھری پرویزالٰہی

ویب ڈیسک

17th Feb, 2022. 03:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم نے ہمیشہ عوام کے مفاد کو ترجیح دی ہے، چودھری پرویزالٰہی

اسپیکر پنجاب اسمبلی چودھری پرویزالٰہی کا کہنا ہے کہ ہم نے ہمیشہ عوام کے مفاد کو ترجیح دی ہے۔

تفصیلات کے مطابق اسپیکر پنجاب اسمبلی چودھری پرویزالٰہی سے (ن) لیگ خیبرپختونخواہ کے سینئر نائب صدر انتخاب خان چمکنی کی ملاقات ہوئی ہے۔

ملاقات میں موجودہ ملکی سیاسی صورتحال پر تفصیلی تبادلہ خیال کیا گیا جبکہ اس موقع پر سینیٹر کامل علی آغا اور چودھری امتیاز احمد رانجھا بھی موجود تھے۔

اسپیکر پنجاب اسمبلی چودھری پرویزالٰہی نے کہا کہ سیاسی ماحول میں روز بروز نئی صورتحال بن رہی ہے، جلد سیاسی بادل چھٹ جائیں گے اور موسم صاف ہو جائے گا۔

چودھری پرویزالٰہی نے کہا کہ عوامی مفاد کو اولین ترجیح دینا اور بنیادی مسائل کے حل میں کردار ادا کرنا ہمارے منشور کا حصہ ہے۔

اسپیکر پنجاب اسمبلی نے کہا کہ اس وقت عوامی مفاد کو مدنظر رکھتے ہوئے فوری اقدامات کرنے اور ریلیف دینے کی ضرورت ہے، ہم نے ہمیشہ عوام کے مفاد کو ترجیح دی ہے۔

انہوں نے مزید کہا کہ جب بھی موقع ملا عوام کی فلاح و بہبود کیلئے کام کیا، انشاء اللہ آئندہ بھی اپنا مثبت سیاسی کردار ادا کرتے رہیں گے۔