وزیراعظم آزاد کشمیر سردار عبدالقیوم نیازی کا کہنا ہے کہ کشمیری مظلوم نہیں بہادر قوم ہے۔

تفصیلات کے مطابق وزیراعظم آزاد کشمیر سردار عبدالقیوم نیازی نے کشمیر کانفرنس سے خطاب کرتے ہوئے کہا کہ تمام سیاسی اور مذہبی مسئلہ کشمیر کے حوالے سے متحد ہیں۔

عبدالقیوم نیازی نے کہا کہ میں ایل او سی کا رہنے والا ہوں، میں گزشتہ 74 سال سے بھارتی گولیوں کا سامنا کررہا ہوں مجھ سے زیادہ کشمیریوں کا درد کوئی نہیں سمجھ سکتا۔

انہوں نے کہا کہ میں نے پاکستان کی پارلیمنٹ میں مسئلہ کشمیر پر بات کی ، افعانستان پر نیشنل سیکورٹی کونسل کا اجلاس بلایا جاسکتا ہے تو کشمیر پر بھی بلایا جانا چاہیے۔

وزیراعظم آزاد کشمیر کا کہنا تھا کہ آزاد کشمیر اور پاکستان میں ہونیوالی کشمیر کانفرنسوں کا انعقاد ہماری حکومت کرے گی، کشمیری مظلوم نہیں بہادر قوم ہے۔

  سردار عبد القیوم نیازی نے کہا کہ  آل پارٹیز کانفرنس میں یہ طے کیا تھا کہ دنیا کو ایک پیغام دینا تھا ، اسلام آباد اور بیس کیمپ کی حکومت مسئلہ کشمیر کے حوالے سے ایک پیج پر ہیں۔

ان کا کہنا تھا کہ دنیا کو بتانا چاہتا ہوں کہ دنیا امن مسئلہ کشمیر سے جڑا ہے ، اب بھی وقت ہے دنیا ہوش کے ناخن لے۔

انہوں نے مزید کہا کہ مسئلہ کشمیر کو اجاگر کرنے کیلئے ہر ممکن اقدام کریں گے۔