انٹرنیٹ کی معروف ترین سیلیبریٹیز میں سے ایک میا خلیفہ نے انکشاف کیا ہے کہ وہ اور ان کے بوائے فرینڈ سپر باؤل پر لگائی گئی ایک بھاری بیٹ (جوا) ہار گئے ہیں۔

میا خلیفہ نے اپنی انسٹاگرام اسٹوری کے زریعے بتایا کہ “ہم ٹیم اورنج پر بھاری شرط لگاتے ہیں۔”

انہوں نے سُپر باؤل کی اورنج ٹیم سنسناٹی بینگلز کے لاس اینجلس ریمز سے تین پوائنٹس سے ہارنے کے بعد کہا کہ اس ہار نے ان کا دل توڑ دیا ہے۔

تاہم، دوسری جانب یہ  سابق اداکارہ کے لیے ایک خوشی کا دن بھی تھا، جو 10 فروری کو 29 سال کی ہو چکی ہیں اور اس موقع کو خوشگوار بنانے کے لیے اپنی ایک چھوٹی سی تصویر بھی شیئر کی۔

قبل ازیں، جہاں میا خلیفہ اپنی سالگرہ کی خوشی منا رہی تھیں کہ فیس بک نے ان کی موت کا اعلان کردیا۔

فیس بک نے میا خلفیہ کے اکاونٹ کو ایک یادگاری پروفائل میں تبدیل کردیا تھا۔

فیس بک میں ایک آپشن ہے اگر آپ انتقال کر جائیں تو آپ کے اکاونٹ کو یادگاری پروفائل میں تبدیل کردیا جاتا ہے۔

جہاں آپ کے چاہنے والے آپ کو دعائیں دے سکتے ہیں اور اچھے الفاظ میں یاد کرسکتے ہیں۔

تاہم میا نے ان افواہوں کی تردید ان الفاظ کے ساتھ کی کہ وہ ابھی زندہ ہیں، اور بہتر محسوس کر رہی ہیں۔

تاحال یہ واضح نہیں ہوا کہ میا کا اکاونٹ ہیک ہوا تھا یا پھر انہوں نے اپنے مداحوں کے ساتھ مزاق کیا تھا۔