شیری رحمان نے حکومت پاکستان سے یوکرین میں پھنسے پاکستانی شہریوں اور طلباء کی باحفاظت واپسی کی اپیل کردی۔

پاکستان پیپلز پارٹی کی نائب صدر اور سینیٹر شیری رحمان نے سوشل میڈیا پر جاری اپنی ٹوئٹ میں کہاکہ روس یوکرین تنازعہ کے نتیجے میں پاکستانی شہری اور طلبہ یوکرین میں پھنس گئے ہیں۔

انہوں نے کہاکہ 500 سے زائد پاکستانی طلباء یوکرین سے انخلاء کے منتظر ہیں کیوں کہ یوکرین نے اپنی فضائی حدود بند کر دی ہیں، حکومت پاکستان یوکرین میں پھنسے پاکستانی شہریوں اور طلباء کی حفاظت واپسی کو یقینی بنائے۔

روس یوکرین تنازعہ کے نتیجے میں پاکستانی شہری اور طلبہ یوکرین میں پھنس گئے ہیں۔ 500 سے زائد پاکستانی طلباء یوکرین سے انخلاء کے منتظر ہیں کیوں کہ یوکرین نے اپنی فضائی حدود بند کر دی ہیں۔ حکومت پاکستان یوکرین میں پھنسے پاکستانی شہریوں اور طلباء کی حفاظت واپسی کو کو یقینی بنائے۔

Advertisement

— SenatorSherryRehman (@sherryrehman) February 25, 2022

روس یوکرین تنازع: پاکستانی سفارتخانہ کیف سے ٹرنوپل شہرمنتقل

روس کی جانب سے یوکرین پر حملے کے بعد پاکستانی سفارتخانے کو کیف سے ٹرنوپل شہر منتقل کردیا گیا ہے۔

یوکرین میں موجود پاکستانی سفارتخانے کے حکام کا کہنا ہے کہ یوکرین میں پاکستانی سفارتخانہ مکمل فعال ہے اور یوکرین میں موجود پاکستانیوں کیلئے رابطہ نمبر جاری کردیا گیا ہے۔

یوکرین میں موجود پاکستانی شہری 0380638282984پر رابطہ کرسکتے ہیں۔ تمام پاکستانی طلبا کو بھی یوکرین سے ٹرنوپل پہنچنے کی ہدایت جاری کردی گئی ہیں۔

پاکستانی سفارتخانہ کا کہنا ہے کہ یوکرین کی فضائی حدود بند ہیں، صورتحال بہترہونے پرپاکستانی طلبا ٹرنوپل چلے جائیں جبکہ یوکرین سے نکلنے کیلئے پاکستانی طلبا ٹرنوپل پہنچیں۔

یہ بھی پڑھیں: روس کا یوکرین پر حملوں کا سلسلہ جاری، 137 ہلاکتوں کی تصدیق

پاکستانی سفیر نویل کھوکھر کا کہنا ہے کہ یوکرین میں خارکیف سےٹرنوپل کیلئے ٹرین سروس موجود ہے جبکہ ٹرانسپورٹ نہ ملنے پر پاکستانی طلبا کو ٹرنوپل پہنچائیں گے، تعلیمی مشیر طلبا کو ٹرنوپل پہنچائیں۔

واضح رہے کہ روس کا دوسرے روز بھی یوکرین پر حملہ جاری ہے جبکہ اب تک 137 ہلاکتوں کی تصدیق ہوچکی ہے۔