وزیراعظم اور آرمی چیف کا دورہ بلوچستان

ویب ڈیسک

08th Feb, 2022. 01:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم اور آرمی چیف کا دورہ بلوچستان

وزیراعظم عمران خان اور آرمی چیف آج بلوچستان کا دورہ کر رہے ہیں۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نوشکی پہنچ گئے ہیں۔

آئی ایس پی آر کے مطابق آرمی چیف نوشکی میں جوانوں کےساتھ وقت گزاریں گے اور دہشتگردوں کا حملہ پسپا کرنے والے جوانوں سے ملاقات بھی کرینگے۔

اس موقع پر آرمی چیف کو علاقے کی سیکیورٹی کی صورتحال پر تفصیلی بریفنگ دی جائے گی۔

ترجمان پاک فوج کے مطابق آرمی چیف کو دہشت گردوں سے نمٹنے کے لیے فارمیشن کی آپریشنل تیاریوں سے متعلق بھی آگاہ کیا جائےگا۔

وزیراعظم آج کوئٹہ پہنچیں گے

وزیراعظم عمران خان بھی آج ایک روزہ دورے پر بلوچستان پہنچیں گے۔

دورے کے دوران وزیراعظم گورنر بلوچستان، وزیراعلیٰ بلوچستان، وفاقی و صوبائی وزرا کے ہمراہ نوشکی جائیں گے، جہاں یادگار شہدا پر پھول چڑھائیں گے۔

وزیراعظم نوشکی میں ایف سی کے جوانوں سے خطاب کریں گے۔

وزیراعظم کو نوشکی کیمپ پر دہشتگردوں کے حملے کے حوالے سے بریفنگ بھی دی جائےگی۔