سلیکٹڈ ٹولے کی آخری منزل پناہ گاہ اورفاؤنٹین ہاؤس ہے، حسن مرتضی

ویب ڈیسک

06th Feb, 2022. 04:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سلیکٹڈ ٹولے کی آخری منزل پناہ گاہ اورفاؤنٹین ہاؤس ہے، حسن مرتضی

جنرل سیکریٹری اور پارلیمانی لیڈر پیپلزپارٹی پنجاب سید حسن مرتضیٰ نے کہا ہے کہ سلیکٹڈ ٹولے کی آخری منزل پناہ گاہ اورفاؤنٹین ہاؤس ہے۔

اپنے جاری کردہ بیان میں حسن مرتضی نے کہا کہ وسطی پنجاب کی ایگزیکٹو کمیٹی کا اجلاس 8فروری کو طلب کیا گیا ہے، اجلاس کی صدارت پیپلز پارٹی وسطی پنجاب کے صدر راجہ پرویز اشرف کرینگے۔

حسن مرتضی کا کہنا تھا کہ اجلاس میں لانگ مارچ کے روٹ،تیاریوں اور تجاویز پر غور ہو گا جبکہ اجلاس میں لانگ مارچ کی انتظامی کمیٹیاں بھی تشکیل دی جائینگی۔

حسن مرتضی نے کہا کہ کنٹونمنٹس کے ضمنی الیکشن کی صورتحال بھی زیر غور آئیگی، ایگزیکٹو کمیٹی ممبران اپنی شرکت یقینی بنائیں۔

حسن مرتضی نے کہا کہ عوامی جمہوری مارچ نالائق حکومت کو خس و خاشاک کی طرح بہالے جائیگا، سلیکٹڈ ٹولے کی آخری منزل پناہ گاہ اورفاؤنٹین ہاؤس ہے۔

انہوں نے مزید کہا کہ مارچ شروع ہونے سے پہلے ہی کرائے کے بھونپووں کی چیخیں نکلنا شروع ہو گئی ہیں۔