بلوچستان ہائیکورٹ نے پیکاآرڈینس کالعدم قراردینے کی آئینی درخواست قابل سماعت قرار دیتے ہوئے اٹارنی جنرل کو نوٹسز جاری کرنے کےحکامات صادر کردیے۔ 

تفصیلات کے مطابق کوئٹہ میں بلوچستان ہائی کورٹ میں بلوچستان یونین آف جنرنلٹس کی پیکا آرڈینس کے خلاف آئینی درخواست کی سماعت ہوئی۔

عدالت نے پیکاآرڈینس کو کالعدم قراردینے کے حوالےسے آئینی درخواست کو قابل سماعت قراردے دیا۔

کیس کی سماعت چیف جسٹس  نعیم اختر افعان اور جسٹس روزی خان بڑیچ نے کی۔

بلوچستان ہائیکورٹ نے اٹارنی جنرل کو نوٹسز جاری کرنے کےحکامات صادر کرتے ہوئے حکم دیا کہ اٹارنی جنرل دو ہفتوں کے اندر جواب داخل کر یں۔

بلوچستان بارکونسل کے بین الصوبائی چیئرمین راحب بلیدی نے درخواست کی پیروی کی۔

بلوچستان یونین آف جنرنلسٹ کے صدرعرفان سعید و دیگر عدالت میں پیش ہوئے۔

راجب بلیدی نے بتایا کہ بلوچستان ہائی کورٹ نے کیس کو سماعت کے لیے منظور کرلیا ہے۔ عدالت عالیہ میں ہمارا مؤقف تھا کہ جہموری اداروں کے ہوتے ہوئے آرڈنینس جاری کرنا مناسب نہیں۔ کالے قانون کے ہوتے ہوئے ادارے مستحکم نہیں ہوسکتے۔

درخواست گزار صدر بلوچستان یونین آف جرنلسٹس نے کہا کہ ہم اس کالے قانون کو منطقی انجام تک پہنچا کے دم لیں گے۔

بلوچستان ہائی کورٹ کے باہر میڈیا سے بات چیت میں عرفان سعید نے کہا کہ یہ صرف صحافی نہیں وکلا تظیمیں، سول سوسائٹی اور سیاسی جماعتوں سمیت سب کا مسئلہ ہے۔