کرکٹ کے لٹل فین اور پی ایس ایل کے دیوانہ حمزہ فراز کی خواہش بالآخر پوری ہو گئی، انہیں لاہور میں پی ایس ایل دیکھنے کا موقع مل گیا۔

پاکستانی میڈیا کے مطابق پی ایس ایل 7 کی فرنچائز پشاور زلمی نے کرکٹ کے لٹل فین حمزہ فراز کو پی ایس ایل کے دوسرے مرحلے میں لاہور میں میچ دیکھنے کے لئے مدعو کر لیا ہے۔

حمزہ فراز نے کراچی میں پی ایس ایل میچز دیکھنے کے لئے اپنا ایک وڈیو بیان سوشل میڈیا پر دیا تھا جو وائرل ہو گیا تھا۔

Muhammad Hamzah Faraz!

Advertisement

You are welcome to Lahore to watch PSL Matches ⚡
Let's watch & enjoy PSL Together 💛#AayaZalmi #YellowStorm #Zalmi #HBLPSL7 #Zalmi2022 #LevelHai pic.twitter.com/nFWOLflNM5

— Peshawar Zalmi (@PeshawarZalmi) February 9, 2022

پاکستان کرکٹ بورڈ کے چئیرمین رمیز راجہ نے حمزہ فراز کی وڈیو کا نوٹس لیتے ہوئے اپنا ایک وڈیو بیان جاری کیا، جس میں انہوں نے حمزہ فراز کو دلاسہ دیتے ہوئے کہا تھا کہ وہ کوشش کریں گے کہ 12 سال سے کم عمر بچوں کو پی ایس ایل کے میچز دیکھنے کی اجازت مل جائے۔

رمیز راجہ نے حمزہ فراز کو اپنے وڈیو بیان میں کہا تھا کہ وہ آپ کے جذبات کی قدر کرتے ہیں اور این سی او سی سے بات کریں گے۔

Advertisement

Chairman PCB @iramizraja responds to our little fan.#HBLPSL7 l #LevelHai pic.twitter.com/bgyqVlj57C

— PakistanSuperLeague (@thePSLt20) February 2, 2022

واضح رہے کہ پی ایس ایل 7 کے پہلے مرحلے میں کراچی کے نیشنل اسٹیڈیم میں 15 میچز کھیلے گئے تھے ، اومیکرون کے خطرے کے پیش نظر انتظامیہ نے صرف 25 فی صد تماشائیوں کو گراؤنڈ میں آنے کی اجازت دی تھی۔

پی ایس ایل انتظامیہ نے نیشنل اسٹیڈیم میں 12 سال سے کم عمر بچوں کے داخلے پر بھی پابندی لگا دی تھی۔

پی ایس ایل 7 کے دوسرے مرحلے میں لاہور میں 50 فی صد تماشائیوں کو اسٹیڈیم آنے کی اجازت دی گئی ہے۔