خیبرپختونخوا فوڈ سیفٹی اتھارٹی کی صوبے بھر میں ملاوٹ مافیا کیخلاف کارروائیاں جاری

اسفا سروت

24th Feb, 2022. 09:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوا فوڈ سیفٹی اتھارٹی کی صوبے بھر میں ملاوٹ مافیا کیخلاف کارروائیاں جاری

خیبرپختونخوا فوڈ سیفٹی اتھارٹی کی صوبے بھر میں ملاوٹ مافیا کے خلاف کارروائیاں جاری ہیں۔

تفصیلات کے مطابق فوڈ سیفٹی اتھارٹی نے مردان بس اسٹینڈ کے قریب کارروائی کی جس کے نتیجے میں بھاری مقدار میں مضر صحت مصالحہ جات برآمد کیے گئے۔

فوڈ سیفٹی اتھارٹی کے مطابق انسپکشن کے دوران 350 کلو سے زائد غیر معیاری و مضر صحت مصالحہ جات تلف کردیئے گئے۔

فوڈ سیفٹی اتھارٹی کا کہنا ہے کہ ہتھ گاڑیوں میں فروخت ہونے والے مصالحہ جات میں چوکر، بورا اور مضر صحت رنگوں کا استعمال کیا گیا تھا۔

انکا کہنا ہے کہ سوات میں ناقص صفائی اور زائد المعیاد اشیاء رکھنے پر اسپتال کا کینٹین سیل کردیا گیا ہے اور چارسدہ کے علاقے رجڑ بازار میں صفائی کی ناقص صورتحال پر 2 بیکری یونٹس سیل کردیئے گئے ہیں۔

فوڈ سیفٹی اتھارٹی نے مزید کہا کہ مانسہرہ شہر میں ممنوع اشیاء برآمد ہونے پر ایک دکان کو سیل کردیا گیا ہے۔