آسٹریلیا میں پیرا میڈیکل اسٹاف سڑکوں پر نکل آیا

ویب ڈیسک

15th Feb, 2022. 01:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا میں پیرا میڈیکل اسٹاف سڑکوں پر نکل آیا

آسٹریلیا کے شہر سڈنی میں ہزاروں نرسوں اور پیرا میڈیکل اسٹاف نے اپنے مطالبات کی منظوری کے لئے احتجاج کیا۔

آسٹریلیا کے اسپتالوں میں کام کرنے والی نرسوں اور پیرا میڈیکل اسٹاف نے تنخواہوں میں اضافے اور اسٹاف کی شدید قلت کو فوری طور پر دور کرنے کا مطالبہ کیا ہے۔

آسٹریلیا کی صنعتی روابط کے کمیشن نے اسپتال کے عملے سے ہڑتال نہ کرنے کی اپیل کی تھی، گزشتہ ایک دہائی میں پہلی مرتبہ نرسوں اور پیرا میڈیکل اسٹاف نے اپنے مطالبات کے حق میں احتجاج کیا ہے۔

واضح رہے کہ کورونا وائرس کے نئے ویرئینٹ اومیکرون کے باعث آسٹریلیا کے متعدد اسپتالوں اور کورونا ٹیسٹ کے مراکز پر مریضوں کا شدید دباؤ ہے۔

محکمہ صحت کی رپورٹ کے مطابق آسٹریلیا کی ریاست نیو ساؤتھ ویلز میں 2.5 ملین افراد اومیکروں سے متاثر ہوئے ہیں۔

احتجاج میں شریک کچھ نرسوں اور پیرا میڈیکل اسٹاف نے سڈنی کی مصروف ترین سڑکوں پر کورونا سیفٹی کٹس پہن کر احتجاج کیا۔

احتجاج میں شامل نرسوں کا کہنا تھا کہ ان کا رسک الاؤنس 2.5 فی صد سے زائد بڑھایا جائے۔

نیو ساؤتھ ویلز کی انتظامیہ نے کہا ہے کہ ہڑتال کے باعث ریاست کے تمام طبی مراکز میں صحت کی خدمات میں خلل اور تاخیر ہو گی ، جس سے مریضوں کی جان کو خطرہ لاحق ہو سکتا ہے۔